Lunae die 20 mensis Maii 2024

ACROAMATA LATINA

Hic praebentur acroamata (vulgo: podcasts) varia quae in rete inveniri possunt. Certe opiniones hic expressae externae sunt Ephemeridi.

Parva Hinnula

Polona sum quae delectatur lingua et litteris Latinis. Apud hunc canalem Tutubensem divulgare volo notitiam litterarum Polonicarum quae Latine exeratae sunt, necnon publici iuris facere interpretationes fabularum, quas confeci, ne dicam de sescentis aliis consiliis, quae in animo volvo, et quae gradatim, ut spero, potero ad rem deducere et quorum fructus in hoc canali omnibus palam faciam.



Mos || Iuncturae verborum

296 views • May 11, 2024


Praeconium Scholarum Aestivarum Wratislaviensium MMXXIV

Imo ex corde invitamus vos ad Scholas Aestivas Societatis Philologae Polonorum, quae diebus 15–28 m. Iulii AD 2024 Wratislaviae agitabuntur. Scholae habebuntur in aedibus Pontificiae Facultatis Theologicae (pl. Katedralny 1), id est in ipsa Insula Cathedrali, ubi Latinitas iam plus quam mille annos viget valetque! DE GREGIBUS Cotidie a die Lunae usque ad Saturni diem horis 10:00–13:30 scholae Latinae habebuntur, quorum discipuli in hos greges dividentur: *Tirones (qui nondum linguam Latinam discere coeperunt) *Provectiores 1 (artem grammaticam et vocabula usque ad finem capituli XVI libri q. i. Familia Romana exposita oportet scire) *Provectiores 2: schola prior: Fabulae Syrae, posterior schola de verborum copia augenda *Veterani: Erasmi Roterodami “De libero arbitrio diatribe” Post meridiem autem, ab hora 15:00 ad horam 18:30, his scholis interesse licebit: *De arte docendi (schola imprimis magistris destinata, qui frequentius meliusve Latine cum discipulis suis colloqui cupiunt, docebit: Catharina Ochman): 15-20 m. Iulii (horis 15:00-16:30) Noctes Wratislavienses, sive de Auli Gellii Noctibus Atticis (tirones/provectiores, docebit: Catharina Ochman): 16-20 m. Iulii (horis 16:45-18:15) *Lingua Graeca (eis quibus rudimenta linguae nota sunt, docebit: Caecilia Koch): utraque hebdomade (horis 15:00-16:30) *Fasciculus florum: poemata Bohemica horrifera Latine versa (provectiores/veterani, docebit: Thomas Albius): 16-20 m. Iulii (17:00-18:30) *De iure Romano (provectiores/veterani, docebit: Radco Černoch): 22-25 m. Iulii (horis 15:00-16:30) *De Catullo et Caesare (tirones/provectiores, docebit: Carolina Szula): 24-27 m. Iulii (horis: 15:00-16:30) *Meditationes fabulae scaenicae (omnibus dedicatae, docebit: Caecilia Koch): 17-19, 23-25 m. Iulii (17:00-18:30) DE MUSIS COLENDIS Diebus Lunae (15 et 22 m. Iulii) ab hora 17:00 usque ad 18:30 cantabimus Latine. Die 26 m. Iulii (die Veneris) docebitur fabula scaenica a participibus Scholarum acta. Si quis iam pro certo habet se velle partem agere, rogamus ut in scedula signet se interfuturum “Meditationibus fabulae scaenicae”. Licebit etiam nomen dare inter ipsas scholas. DE EXCURSIONIBUS Uno die Solis urbem Wratislaviam vel montem Silentii (góra Ślęża), altero autem alium oppidum Silesiae Latine lustrabimus (verisimiliter Svidnicam, ubi inter alia notissima Ecclesia pacis sita est). DE STIPE Usque ad Kalendas Iunias 2024 pretium diminutum 1100 PLN (280 EUR/295 USD) solvendum est. Posthac autem pretium integrum 1300 PLN (320 EUR/340 USD). Iis, qui una tantum hebdomade adesse velint, pretium est 650 PLN (160 EUR/170 USD). Si usque ad Kalendas Iunias grex quidam nimis parvus fuerit, suadebimus vobis, ut ad alium vos transferatis vel stipem a vobis solutam reddemus. Discipulis doctorandisque Pontificiae Facultatis Theologicae et Instituti Studiorum Classicorum Universitatis Wratislaviensis nonnulla loca cum pretio diminuto 100 PLN servavimus. Quo pretio continentur: *48 horae scholarum quae ante meridiem agentur (x 45 temporis minuta) et scholae pomeridianae ad libitum eligendae *omnia adminicula didascalica (libelli duplicati etc.) *potiones, dulcia, poma in intercapedinibus sumenda Nomina hic sunt danda: https://docs.google.com/forms/d/e/1FAIpQLSfrvTlwXS5YUJ-Vynd0tjfZBpTxqSJSMMBqGZhDU4ZbspZgyg/viewform Pagina nostra retalis: https://wratislavia.ptf.edu.pl/index.php/scholae-aestivae-mmxxiv/ Siquid interrogare vis, epistulam ad scholae.wratislavienses@ptf.edu.pl mittas.

340 views • Apr 28, 2024


Cauliculi humuli || Varia

421 views • Apr 18, 2024


Potio ex violis || Varia

579 views • Mar 17, 2024


Fabulae de floribus || De croco

515 views • Mar 2, 2024


____________________________________