 |  |  |
| Mercurii die 6 mensis Decembris 2023 | ||
ACROAMATA LATINA
Hic praebentur acroamata (vulgo: podcasts) varia quae in rete inveniri possunt. Certe opiniones hic expressae externae sunt Ephemeridi.
Parva Hinnula
Polona sum quae delectatur lingua et litteris Latinis. Apud hunc canalem Tutubensem divulgare volo notitiam litterarum Polonicarum quae Latine exeratae sunt, necnon publici iuris facere interpretationes fabularum, quas confeci, ne dicam de sescentis aliis consiliis, quae in animo volvo, et quae gradatim, ut spero, potero ad rem deducere et quorum fructus in hoc canali omnibus palam faciam.
Fabulae de deis deabusque Slavorum || Nawia et Wyraj (IV). Slavic Mythology in Latin
Slavi antiqui, ita ut etiam aliae gentes quae originem ducunt a prisca Indoeuropaeorum natione, totum mundum trifariam tribuebant, videlicet in regnum caeleste, in regnum terrenum, et in inferos. Has animo faciebant partes esse praegrandis arboris, quam hodie viri docti axem mundi apellant . In summa arbore positum erat Wyraj, id est regnum caelicolarum, quem animo fingebant esse pulcherrimum hortum positum ultra magnum mare. Portae huius horti erant firmo obice fultae et aditum custodiebat deus Raróg, qui forma avem referebat. Intra hortum, in ramis arboris mundi, habitabant aves - umbrae scilicet hominum. Fertur Wyraj fuisse etiam locum ex quo adventabat ver, et illuc hieme appropinquante solitas esse redire aves, quae fugiebant frigora et petebant terras egelidis teporibus afflatas. Sunt qui putent ipsam vocem Wyraj esse coniungendam cum vocabulo graeco éar, id est ver. Quid autem de Tartaris Slavicis? Regnum mortuorum nostri maiores vocabant Nawiam, quod vocabulum venit ex lingua Slavorum priscorum : radix scilicet huius vocis significabat ferme "cadaver" (*navь-). Nawia erat posita in radicibus arboris mundi, ultra mare aut grande flumen, et saepissime sub terra. Rex Nawiae erat Weles, rex mortuorum, qui habitabat in media palude, insidens solio aureo, pro sceptro gladium manu tenens. Ianitor inferorum erat Żmij, deus forma duplici: partim enim videbatur homo, partim serpens.
59 views • Dec 2, 2023
Praeconium Scholarum Hiemalium (Wrocław, Poland, 7-11.02.2024)
Imo ex corde invito vos ad Scholas Hiemales Societatis Philologae Polonorum, quae diebus 7–11 m. Februarii AD 2024 Wratislaviae agentur! Cotidie a die Mercurii usque ad Saturni diem horis 10:00–13:30 scholae Latinae habebuntur, quorum discipuli in hos greges dividentur: • Tirones 1 (vocabula et rem grammaticam usque ad finem capituli IV libri q. i. Familia Romana exposita oportet scire, docebit: Anna Rogowska-Wandowicz) • Tirones 2 (vocabula et rem grammaticam usque ad finem capituli VIII libri q. i. Familia Romana exposita oportet scire, docebit: Christophorus Banaszak) • Provectiores (vocabula et rem grammaticam usque ad finem capituli XVI libri q. i. Familia Romana exposita oportet scire, docebit: Carolina Szula) • Veterani: Apophthegmata et Colloquia Erasmi Roterodami (docebit: Christophorus Bekieszczuk) Post meridiem autem, inde ab hora 15:00, his scholis interesse licebit: • Iosephi Iuvencii „De ratione discendi et docendi” (tirones/provectiores, docebit: Catharina Ochman) • Litterae Neolatinae (provectiores/veterani, docebit: Elisabetha Górka) • De colloquiis fabulisque conscribendis (veterani, docebit: Caecilia Koch) Usque ad diem 7 m. Ianuarii 2024 pretium diminutum 440 PLN (110 EUR/120 USD) solvendum est, quo pretio continentur: • 32 horae scholarum (x 45 temporis minuta) • omnia adminicula didascalica (libelli duplicati etc.), • potiones, dulcia, poma in intercapedinibus sumenda 🙂 Die Solis urbem Wratislaviam Latine lustrabimus! Hic vinculum: http://wratislavia.ptf.edu.pl/index.php/scholae-hiemales-mmxxiv/ !
50 views • Dec 1, 2023
Fabulae de deis deabusque Slavorum || Rusałki (III). Slavic Mythology in Latin
111 views • Nov 26, 2023
Ne musca quidem || Proverbia et locutiones
142 views • Nov 21, 2023
Matrimonium || Iuncturae verborum
144 views • Nov 12, 2023
____________________________________
|
|
|
|
