Casus in aquas orientales
Boreocorea ad meridiem satellitem militarem misit, qui suspicionem excitavit apud Austrocoream et Iaponiam, sed paulo post publice a capite Pyongyang nuntiatum est vectorem spatialem ob vitium motorium in mare cecidisse. Haec missio ad recognitionem militarem acriter reprehensa est a Civitatibus Americae Coniunctis, cum obstaret consiliis Ordinis Nationum Unitarum, eo magis quod contentiones et perturbationem in illa orbis parte augeret. - 31/05/2023 08h06
Nuntius Brasiliensis
Administratio Brasiliensis per praesidem Lula recta identitatis chartarum formam commutatura esse videtur: civium enim sexus mentio evanescet, ut, magistratuum sententia, communitatis 'LGBTQIA+' participum iura facilius meliusque observentur colanturque. - 21/05/2023 20h13
Prima consilia Americana
Iam pridie conventus 'Magnorum VII', qui apud urbem Iaponicam Hiroshimam habebitur, Boreoamericanus legatus Civitatum Coniunctarum consilia iam partim aperuit: "Novae in Russiam sanctiones, quae eam quantum potest segregent, firmissima societate in primis studentur, sicut de re Sinensi necnon de aeris permutatione nonnulla constituentur". - 18/05/2023 20h51
