Lunae die 20 mensis Maii 2024

ACROAMATA & ALIA BLOGA LATINA

Hic praebentur acroamata (vulgo: podcasts) et bloga varia quae in rete inveniri possunt. Certe opiniones hic expressae externae sunt Ephemeridi.

DEUS EX CRAPULA (novus)




07 May 2024, 10h37
Itaque libellum de grammatice linguae sumericae emi. Num debeo nunc novae linguae studere ? Labor iamiam occupatissumus, et ver mentem hebetat, et scriptionem magistro pollicitus sum... Spero autem studiis akkadicis non nociturum, immo aucturum esse -- cum enitor ut nova verba recorder, verba aliis e linguis semper in animum insiliunt. Atque multa verba sumerica scriptionemque eorum iam novi : 𒈗 (rex), 𒂍 (domus), 𒁾 (tabula), 𒌉𒊩 (filia), 𒌜𒅆𒌨 (cacodaemon), &c.

comment count unavailable comments


30 Apr 2024, 11h01
Nuper mens hebeta et segnis -- ver iterum advenit. Flora ubique semina caeca dispergit, ut aër mihi venenum sit. Caput concreto plenum sentio, et incertam per vitam languide nato. Librum Callimachi hymnorum, quem valde perlegere desidero, adsumere dubito, quoniam mens somniculosa scriptura erudita (et exegesi copiosa et versibus ipsis) vix frui potest. Usque ad mensem Octobrem dormiam.

comment count unavailable comments


15 Apr 2024, 14h06
Die Saturni Lunaeque iterum in vicinia Muswell Hill ad thermopolium nobis dilectissimum iimus ut linguis (linguae graecae et sericae singulis moribus nostris) studeremus et placentas ederemus. Antea domi exercitationes akkadicas egeram, quippe studium graecum nostalgiae causa me nuper maxime laetificat.

Sed et comprehensio subita et incommoda mihi animum percutit, valdeque me contristavit ; Elektra est sola fabula sophoclea quam non iam legi. Postquam ultimam Aeschyuli fabulam perlegi, consitui lectionem tragoediarum antiquarum tardare, ne omnes celerius exhaurirem. Nunc manent IV Euripidis fabulae, et nonnullae Senecae... non satis !

- - -

Studiis die Saturni confectis in semitas prope ripam fluminis, sive fossae, New River perambulavimus. Domum per hortos publicos Regiae Alexandrae iimus. In viis et in hortis ubique puellas puerosque -- nonnullos suis cum matribus -- conspiciebamus qui videbantur sicut ad tabernam nocturnam gothicam adire -- etsi iuniores. Accidit ut vespere quidam grex « emo » caneret. Numquam tot et tanta vestimenta e Hot Topic in eodem loco videram. Sed erant suo modo adorabiles.

comment count unavailable comments


de musica - pars altera

04 Apr 2024, 18h35
Semper, cum mane expergiscor, musica suo sponte in animo oritur. Saepe causam agnosco -- hoc carmen in taberna nuper audivi, illud melos in stereophono dum studebam nuper auscultavi. Attamen alia carmina ex oblivione in mente insiliunt.

Curiositatis causa statui ut carmina denotarem. VI hebdomades titulos brevibus cum commentariis in pagina pugillarum exscripsi. Pleraque carmina multis diebus oriebantur ; haec saepius in mente totam diem volitabant. Nonnulla post mora dierum paucorum reveniunt. Reventus autem non denotavi. Cum consilii mei meminissem anteaquam carmen in capite caneretur, nihil hoc die notavi ne experimento praejudicarem. Feliciter (?) non bene expergiscor, itaque raro consilium primo recordatus sum.


Unum carmen (Danger) non possum in playlist addere, quod est pro infantibus): https://www.youtube.com/watch?v=R8ZfNPwAiiM


Commentarii :

Blue Train, John Coltrane : jazz saepe ausculto cum linguis studeo. Nuper diligenter exercitationes akkadicas agebam.

Ročník 47, Wabi Daněk : musicam boiohaemicam in rete nuper indagabam

Trio in E-Flat, Franz Schubert : γράφων ἔθελον δυσθυμίαν τινα πάσχειν, ἣν τοῦτο τὸ μέλος ἀεὶ ἐκκαλεῖται

S.O.S., Pražský výběr : hanc in rete denique inveni

O Chenilla, Cadallaca : aut de veteri amica cogitabam, aut carmen gregis Sleater Kinney auscultaveram

Danger, Little Jerry and the Monotones (Sesame Street) : plane nescio...

Suicide Ocean, Lydia Lunch : musica bona ad scribendum

The Dog-end of a Day Gone By, Love & Rockets : aut discum Seventh Dream of Teenage Heaven recenter auscultaveram, aut iterum auscultare volueram

Some Kind of Love, Velvet Underground : musica bona ad studendum

Tell him, The Exciters : congeries carminum mp3 promiscuorum in ordinatro habeo, e quo nonnumquam playlist creo. Hoc carmen semper addo, posteaqam tres dies in capite canitur.

One Piece at a Time, Johnny Cash : solent gothici musicam coutnry & western in genere odisse sed Iohannem Cash praecipue amare.

End of the Line, Concrete Blonde : nostalgiam invocat et delenit

Leather, Tori Amos : Mel librum pictum de carminibus e disco Little Earthquakes emit.

Your turn to run, Malaria! : de taberna nocturna cogitabam

Piece of my Heart, Janis Joplin : hoc in programmati televisorio audivi

Master Song, Leonard Cohen : pluvius me huius commonefecit

My Beautiful Leah, PJ Harvey : re vera, hoc carmen semper in mente audio

comment count unavailable comments


de musica - pars prima

22 Mar 2024, 18h35
Melos, cuius oblits sum, iterum in rete quaerere conabar. Carmen hoc boiohaemicum decem abhinc annos auscultavi, at hodie nec tituli nec musicorum memini. O utinam utrumque denotavi ! Ne versus quidem in animo manet, solum umbra incerta, desiderium ignotum.

- - -

Dum linguae in universitate studeo, magistro casetas duas inanes dedi, ut musicam boiohaemicam e discis phonographicis incideret. Casetas autem sine indicibus mihi tradidit. Tum mea non interfuit ; auscultando linguae studebam dum verba excribere conabar.

Post universitatem, interdum in rete (per Netscape !) nomina musicorum musicarumque indagabam. Duos faciliter inveni, quippe sua in terra praeclari sunt : Wabi Daněk et Hana Hegerová. Gregem Hoboes nomine non facile inveni, sed titulos II carminum (quae Wabi Rybova, qui carmen composuit, quoque ipse et cum fratre cecinit) mox cognovi.

Tempus fugavit, et CD casetis superavit ; etsi casetas in arca teneo, magnetophonum non habeo, ut non iam eas auscultare possim. Interdum autem versus carminis -- utpote qui in memoria maneant -- in rete exquiro. Denique enim in Youtube unum gregem inveni, Pražský výběr. Nunc unus ignotus manet.

Non puto vos, cari lectores lectricesque carae, haec nomina insuper agnoscitis. Ecce carmina IV in Youtube (ignosce mihi, Spotify non utor) :

https://youtu.be/2ydcPXEx6CM?feature=shared

https://youtu.be/2ydcPXEx6CM?feature=shared

https://youtu.be/ld-kGM9BH0Y?feature=shared

https://youtu.be/bNJO2h6jWQQ?feature=shared

comment count unavailable comments



____________________________________