ACROAMATA & ALIA BLOGA LATINA

Hic praebentur acroamata (vulgo: podcasts) et bloga varia quae in rete inveniri possunt. Certe opiniones hic expressae externae sunt Ephemeridi.

---

DEUS EX CRAPULA (novus)

---

02 Aug 2023, 11h35
Die Solis in museo Tate Modern cum amica Emily convenimus ut exhibitionem inviseremus. Exhibition opera duorum artificum saeculi XX prioris ostendit, suevicae Hilmae af Klint et Piet Mondrian batavi.

Vere mihi operum neutrius placet, sed non interest ; colloquium Mellis Emiliaeque maxime oblectavi. Nuper multae exhibitiones opera viri praeclari cum operibus feminae ignotae adsociant. Qualicumque sub praetextu(1) exprimitur, ratio est simplex. Musea putant neminem opera feminae ignotae sola invisendum, itaque cum viri praeclari debent ostendi. Puto enim hanc rationem falsam -- immo vero, amica exhibitionis nos admonuerat propter opera af Klint ; Mondrian solum non inviserimus -- sed sexismus rationcinatione caret.

Cum haec ita sint, sodales mihi eruditae exhibitionem profundius scrutatae sunt. Picturae utriusque contrariis in muris pendebant. Videbatur certatio iniqua, et themata cuiusque exedrae immodice similitudines captabant, ut operaque sententiasque valde dissimilia esse demonstrarent.



-----
(1) E catalogo : « Although they did not know each other – or of the other’s work – this exhibition explores how they both developed the possibilities of abstract art, moving away from the conventions of representation they were taught. »

comments

---

27 Jul 2023, 09h48
Vespere nubes non iam imbres tenebant. Frigus apertas per fenestras vagabatur, odorem pluvii ferens. Nullam in atrio lampadem accenderam, ut tenebrae leniter crescerent. Feles parvus in lectulo obdormiit, in loco quo collega eius amissus quondam sedebat. Proprio modo igitur lugeamus ; egomet discum Leonardi Cohen in stereophono posui.

At vicina suo cum amante iamiam rixabatur. Incerta verba irata per murum ausculto... hem, necnon musicae decet.

comments

---

D M Zenonis optimi felum

19 Jul 2023, 14h47


Quippe canem ter habes, non vis, Proserpina, felem.
     Zenonem nostrum, quaeso, remitte domum.

comments

---

facilis descensus Averno

18 Jul 2023, 15h25


Finis subito advenit. Zeno, magnus feles noster diem Veneris quam laete egit. Postridie tardebat, ut die Solis ad noscomium discriminis eum ferremus. Medica inibi sanguinem probavit, hypoglycaemian invenit, neque periculum detexit. Constituimus die Lunae medicam eius solitam vocare. Vespere enim valde marcebat, vix ambulare potebat, edere noluit, vix ambulare potebat. INter nos in lectulo sedebat, sed et tacebat -- ille, qui murmurare amat. Eum ad cubiculum tuli, qippe scalas ascendere nequit. Quam parvus videbatur. Ossa sensi omnia. Attamen volui spei adhaerere -- dixit medica arthritin crures adfligere et diabetes eum fatigare. Mel non funditus credidit ; eadem symptomata obitum Floydis nuntiaverant. Zeno in me et in Melle invicem iacebat ; ipse alas mortis certe audiebat, et ultimam noctem nobiscum volebat.

Die Lunae ad laborem ire debui, sed directrix me mox domum misit. Domum adveni cum Mel taxi advocavit, deind Zenonem suam ad medicinam adduximus. Numquam his « salutationibus » (ut eas apellamus) queritur. Medicam amat, et laete murmurare solet dum perspicit probatque, etsi acu utitur. Tum autme silebat. Gustulum manu eius accepit, at tacite. In principio credebat medica eum nimis insulin habere, ut bipartitionem praescriberet, sed eum in noscomio tenere plures propter probationes debuit. Dixit vespere Zenonem domum reventurum.

Paucas post horas dira cum prognosei revocavit. Aut tres dies in noscomio sine promisso recuperationis, aut finis. Agnovimus optionem vere unam. Noluimus eum dolores solum in noscomio pati, neque solum obire.

XI hora diei carissimum monstrum revisimus. Sua in arce iacebat, lodicibus involutus ne frigus sentiret. Adventu nostro caput levavit et laetabatur. In manus nostris caput premebat. Gustulum dilectissimum mea e manu edidit. Spem perniciosam in corde repere sivi. Fortasse, me inquam, medica postea erravit, et nos tres nunc domum dimittet... At dum eum peramanter palpabamus, caput gravius graviusque fiebat. Hypnos et Thanatos in cella volitabant. Medica venenum lividum dulciter iniciebat. Anteaquam syrinx inanivit, anima parvi philosophi nostri evolavit.

Hac nocte famem non sensimus, sed et memet coegi edere et bibere. Collegam Zenonis pasci debui. Sentiebat amissum, sed hic feles semper esurit. Cum cibum ei dedi, gustulos Zenonis dilectissimos in patella posui, pro larva ut domui moraretur dum ad Elysium progrediret.



comments

---

15 May 2023, 19h00
Quinque enim hebdomades post positum prius dilapsae sunt. Et quam celeriter ! Credidi hiatum vix XIV dies consistere.

Neque onus neglegentiae destitit, nedum cessit aculeus incuriae animum perturbare. Puto me VII paginas in pugillaribus implevisse, sed transcriptio dactylographica non me delectat, ut caecae manerent.

Eodem tempore II ludi personarum editi sunt, quos perdiu exspectabam, et novae editioni ludi tertii, amplificati exornatique, non potui resistere. Hi mihi animum facilius occupabant, seu ab aegritudine derivabant. Hygieia iterum me deseruit.

comments

---

---

____________________________________