Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

SCRIPTA HISTORICA ET BIBLIOGRAPHICA VICTORII CHIARROCCHI PISAURENSIS

Victorius Ciarrocchi solebat parvas symbolas historicas scribere in Grege Latine Loquentium, et licentiam nobis benigne dedit textus suos in Ephemeride edendi. Quod fecimus sub rubricis "Historia", "Biographiae" et "Memoranda". Ecce vobis "Biographiae":

De Alexandro Volta

De Alexandro Volta (1745-1827)

Alexander Volta in Ticinensi universitate per aliquot decennia physicam disciplinam docuit. Comensis ille vir plurimis inventis magnam sui famam reliquit. Ingenii acie praeditus, complures viros saeculi XVIII vel doctissimos adeo antecelluit, ut in experiendis naturae viribus multa adinvenerit atque exploraverit, quae maioribus penitus ignota fuere. Quadam epistula die XX mensis Martii a. MDCCC ad Iosephum Banks Societatis illius Londiniensis moderatorem missa, primum a Volta instrumenti proprietates explanatae sunt, quod "pila" est appellata, quamque is electrica vi actam ingeniose reppererat. Cuius inventi nuntio per omnes Europae regiones pervulgato, factum est ut nova temporis aetas in disciplinae physicae historia inciperet, immo "nova cultus civilis historia", ut ait Marius Gliozzi in libri praefatione, qui "Opere scelte (Opera selecta) di Alessandro Volta" inscribitur (Utet, Torino, 1967, p.28). Alia plurima inventa huic viro sunt tribuenda: electrophorum; condensatorium; vinculum praeterea, quo fit ut in fluento electrico carica, tensio, capacitas - quae dicuntur - inter se colligantur; aer igniferus, qui ex paludibus oritur eamque ob rem gasium palustre vel methanum appellatur. Haec omnia tam mirum obtinuerunt profectum, ut eorum inventorem celeberrimi per Europam omnem academici coetus inter socios adscire gloriarentur. Itaque anno MDCCXCI Volta inter sodales Londiniensis, quam supra dixi, Societatis est admissus; anno MDCCCX Academiae scientiarum Amstelodamensis factus est socius eumque imperator Napoleo senatorem Regni Italici creavit. Alexander Volta, qui a. MDCCCXXVII obiit, duo Latine scripsit opuscula:
1) "De vi attractiva ignis electrici ac phaenomenis inde pendentibus" (MDCCLXIX), annum agens quartum et vigesimum;
2) "Novus ac simplicissimus electricorum tentaminum apparatus" (MDCCLXXI).

Scripsit Victorius Ciarrocchi -Primum editum fuit 13/01/2006 17h51

De Henrico Toti, qui die 6 Aug. 1916 mortem obiit
De Hieronymo Pragensi, qui abhinc sexcentos annos crematus est
Quaedam de Ludovico XIV, Francogallorum rege (1661-1715)
In memoriam Davidis Balme...
Pro Dante Alagherio, qui anno MCCLXV ortum habuit
DE IOANNE BAPTISTA DELLA PORTA
De Carolo Gesualdo (1566-1613)
De Ioanne Bosco...
De Iosepho Maria Mazzolari (1712-1786)
De Americo Vespucci...
De Ioanna ab Arcu (1412-1431)
Leo primus
De Ioanne Baptista Morgagni...
De Roberto Busa (1913-2011)...
De Othone, domus Absburgicae principe
De Peregrino Artusi (1820-1911)
De Septimio Severo
Carolus Du Cange...
DE CAROLO BORROMAEO...
De Carolo Michelstaedter...
De Camillo Benso Cavour
De Michaele Ruggieri (1543-1607)
Eduardus VII
Quaedam de Iacobi Monod (1910-1976) doctrina philosophica
De Raimundo Montecuccoli
Caesar Lombroso
De vita actisque Alexandri III
Ioannes Calvinus
Imago nova sancti Pauli
Qui primus contra mafiam pugnabat...
De Iohanne Milton
De Alberto von Haller
De Ioanne Francisco Fernel (1497-1558)
De Anna Magnani (1908-1973)
De Ioanne Alfonso Borelli (1608-1679)
De Iosepho Occhialini (1907-1993)
De Mata Hari (1876-1917)
De Vincentio Filicaia (1642-1707)
Caesar Baronius (1538-1607)
De Rita Casciensi, sancta 'casuum impossibilium'
De Iacobo Casanova (1725-1798)
De Arturo Toscanini (1867-1957)
De Renata Tebaldi (1922-2004)
De Friderico Fellini
De Henrico Houdini (1874 - 1926)
De Ioanna Arendt (1906 - 1975)
De Aloysio Galvani (1737 - 1798)
De Greta Garbo (1905-1990)
De Arcturo Koestler (1905 - 1983)
De Othone Von Bismark
De Elemiro Zolla (1926-2002)
De Iacobo Leopardi (1798-1837)
Rochus (Rocky) Marciano, (1923–1969)
De Renato Cesarini, pedilusore singularissimo (1906-1969).
De Iusto Lipsio (1547- 1606)
De Antonio Quinn (1915-2001)
Theodericus Bonhoeffer (1906 - 1945)
De Isabella, Hispanorum regina 'Catholica'
Die undecimo octobris 1963 obiit Editha Piaf