Martis die 19 mensis Maii 2026

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo . Ignoscite!

SCRIPTA HISTORICA ET BIBLIOGRAPHICA VICTORII CIARROCCHI PISAURENSIS

Victorius Ciarrocchi solebat parvas symbolas historicas scribere in Grege Latine Loquentium, et licentiam nobis benigne dedit textus suos in Ephemeride edendi. Quod fecimus sub rubricis "Historia", "Biographiae" et "Memoranda". Ecce vobis "Biographiae":

De Friderico Fellini

De Friderico Fellini (1920-1993)

Fridericus Fellini Arimini anno 1920 natus, Romae die 31 Oct. a. 1993 mortuus est. Summus fuit fabularum cinematographicarum artifex, quas fervido argutissimoque ingenio praeditus quadraginta circiter annos effinxit et confecit, postquam anno 1945 cum Roberto Rossellini aliquas scaenas curaverat pelliculae cinematographicae Italice "Roma, città aperta" inscriptae, i. e., ni fallor, 'de Roma a belligerantibus non tangenda', usque ad ultimam pelliculam, quae "Vox lunae" inscribitur (a. 1990). Praesertim Itali, qui saltem quinquagesimum annum attigerint ideoque haud paucas fabulas 'Fellinianas', ut apud nos dicitur, haud dubie spectaverint, viri illius fortasse non sunt obliti.

Neque forsan opus est ut de fabulis loquar, quas a Friderico mirum in modum cinematographice narratas esse permulti huius artis periti uno consensu adfirmant

Pellicula, quae "Satyricon" inscribitur, quam non inter meliores equidem adnumerarim, in qua tamen imagines pulcherrimae non desunt, e quibus facile quisque intellegere poterit quam penitius ille Romam antiquam _ non illam solum dico Urbem, in qua primas egerunt Caesar et Cicero _, servorum et gladiatorum et meretricum plenam, repraesentaverit et 'vivam' reddiderit. De aliis fabulis miro artificio scaenico a Friderico elaboratis, quibus tituli sunt: "De vita laeta" (1959), "Octo et dimidium" (1963), "Memini (sive Recordor)" (1973), ipsae imagines et dialogi.

A die 7o usque ad diem 9o m. Nov. 2003 Arimini, ea in urbe quam saepissime ille non sine quodam maerore cinematographice descripserat (ceterum qualibet in pellicula 'Felliniana' gaudium iucunditasque maerori cuidam iunguntur), conventus habitus est internationalis, cuius thema argumentumve erat: "Quid in arte cinematographica fovenda et novanda Friderico Fellini tribuendum sit". Anno 2004, in Museo Novoeboracensi 'Guggenheim' vocato non solum omnes pelliculas, quas Fridericus moderatus est, verum etiam quasdam lineares adumbrationes (quae Anglice forsan "story boards" appellantur), quibus in pingendis ille delectabatur, spectare et admirari licuit. Quarum adumbrationum (It.: 'disegni', 'schizzi') haud paucae ad res eroticas pertinent; iam non pauci spectatores quandam adumbrationem admirati sunt, quae supra effigiem photographicam Valeriae Marini, pulcherrimae feminae, a Friderico scripta est paucis ante mensibus quam e vivis ille eriperetur; nam in Valeriae clunibus nulla rica velatis legitur: "Heic habitare consilium cepi" (Italice: "Ho deciso, abito qui.)

Scripsit Victorius Ciarrocchi -Primum editum fuit 04/12/2006 12h00

De Henrico Toti, qui die 6 Aug. 1916 mortem obiit
De Hieronymo Pragensi, qui abhinc sexcentos annos crematus est
Quaedam de Ludovico XIV, Francogallorum rege (1661-1715)
In memoriam Davidis Balme...
Pro Dante Alagherio, qui anno MCCLXV ortum habuit
DE IOANNE BAPTISTA DELLA PORTA
De Carolo Gesualdo (1566-1613)
De Ioanne Bosco...
De Iosepho Maria Mazzolari (1712-1786)
De Americo Vespucci...
De Ioanna ab Arcu (1412-1431)
Leo primus
De Ioanne Baptista Morgagni...
De Roberto Busa (1913-2011)...
De Othone, domus Absburgicae principe
De Peregrino Artusi (1820-1911)
De Septimio Severo
Carolus Du Cange...
DE CAROLO BORROMAEO...
De Carolo Michelstaedter...
De Camillo Benso Cavour
De Michaele Ruggieri (1543-1607)
Eduardus VII
Quaedam de Iacobi Monod (1910-1976) doctrina philosophica
De Raimundo Montecuccoli
Caesar Lombroso
De vita actisque Alexandri III
Ioannes Calvinus
Imago nova sancti Pauli
Qui primus contra mafiam pugnabat...
De Iohanne Milton
De Alberto von Haller
De Ioanne Francisco Fernel (1497-1558)
De Anna Magnani (1908-1973)
De Ioanne Alfonso Borelli (1608-1679)
De Iosepho Occhialini (1907-1993)
De Mata Hari (1876-1917)
De Vincentio Filicaia (1642-1707)
Caesar Baronius (1538-1607)
De Rita Casciensi, sancta 'casuum impossibilium'
De Iacobo Casanova (1725-1798)
De Arturo Toscanini (1867-1957)
De Renata Tebaldi (1922-2004)
De Henrico Houdini (1874 - 1926)
De Ioanna Arendt (1906 - 1975)
De Aloysio Galvani (1737 - 1798)
De Greta Garbo (1905-1990)
De Arcturo Koestler (1905 - 1983)
De Othone Von Bismark
De Elemiro Zolla (1926-2002)
De Iacobo Leopardi (1798-1837)
Rochus (Rocky) Marciano, (1923–1969)
De Renato Cesarini, pedilusore singularissimo (1906-1969).
De Iusto Lipsio (1547- 1606)
De Antonio Quinn (1915-2001)
Theodericus Bonhoeffer (1906 - 1945)
De Alexandro Volta (1745-1827)
De Isabella, Hispanorum regina 'Catholica'
Die undecimo octobris 1963 obiit Editha Piaf