Mercurii die 13 mensis Maii 2026

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo . Ignoscite!

SCRIPTA HISTORICA ET BIBLIOGRAPHICA VICTORII CIARROCCHI PISAURENSIS

Victorius Ciarrocchi solebat parvas symbolas historicas scribere in Grege Latine Loquentium, et licentiam nobis benigne dedit textus suos in Ephemeride edendi. Quod fecimus sub rubricis "Historia", "Biographiae" et "Memoranda". Ecce vobis "Biographiae":

De Ottone Von Bismark

De Othone Von Bismark

Ante d. III Kal. Aug. anno MDCCCXCVIII Otho Bismarck, qui quartum et octogesimum annum agebat, mortuus est prope Hamburgum, cuius urbis in vicinia is se recepit postquam a Villelmo II, Germaniae Caesare, primi administri magistratum deponere coactus erat.

Mox ad honorum certamina Bismarck accessit, eaque tam forti iniit animo, ut, etiamsi pleraque inter obstacula, tamen victoriam et in domesticis et in externis rebus saepissime obtineret. Quae nobilis hic vir molitus est ut Napoleo III, Gallorum Caesar, in insidias induceretur bellumque Borussico regno inconsiderate indiceret, ea ab omnibus historiae scriptoribus perfectissimum opus artis ad legatorum munera spectantis aestimantur (Michael Howard, "The Franco-Prussian War", London, 1960). Post bellum Gallicum- Borussicum confectum ac fere omnes Germaniae res publicas in unum Imperium coagmentatas, arbiter quodammodo Europaeorum populorum Bismarck factus est, qui ex eo anno (MDCCCLXXI) nihil intentatum reliquit ut eorum concordiam foveret vel saltem firmaret. Quae tamen prudenter- et callide, si vultis- Bismarck apparaverat ut exitiale novi belli periculum amoveretur, ea mutata sunt a Villelmo II: anno MCMXIV prius bellum mundanum est concitatum, quo factum est ut Europaeorum opes, cultus civilis, mores necessario prolabi inciperent. Neque huius fortunae inclinatio intermittit! "Nulla rerum politicarum necessitudo Othonem Bismarck inter et nazistarum furorem est ponenda; ille enim patriam suam fortem reddere contendit, at Hitleriana factio populos fere omnes sub Germaniae dicionem redigere conata est" (haec verba Alanus Palmer, Anglicus rerum historicarum investigator, eo in libro scripsit, cuius titulus est "Bismarck"; pag. 352 translationis Italicae, "Editoriale Nuova", Mediolani, 1982).

Scripsit Victorius Ciarrocchi -Primum editum fuit 16/08/2006 21h42

De Henrico Toti, qui die 6 Aug. 1916 mortem obiit
De Hieronymo Pragensi, qui abhinc sexcentos annos crematus est
Quaedam de Ludovico XIV, Francogallorum rege (1661-1715)
In memoriam Davidis Balme...
Pro Dante Alagherio, qui anno MCCLXV ortum habuit
DE IOANNE BAPTISTA DELLA PORTA
De Carolo Gesualdo (1566-1613)
De Ioanne Bosco...
De Iosepho Maria Mazzolari (1712-1786)
De Americo Vespucci...
De Ioanna ab Arcu (1412-1431)
Leo primus
De Ioanne Baptista Morgagni...
De Roberto Busa (1913-2011)...
De Othone, domus Absburgicae principe
De Peregrino Artusi (1820-1911)
De Septimio Severo
Carolus Du Cange...
DE CAROLO BORROMAEO...
De Carolo Michelstaedter...
De Camillo Benso Cavour
De Michaele Ruggieri (1543-1607)
Eduardus VII
Quaedam de Iacobi Monod (1910-1976) doctrina philosophica
De Raimundo Montecuccoli
Caesar Lombroso
De vita actisque Alexandri III
Ioannes Calvinus
Imago nova sancti Pauli
Qui primus contra mafiam pugnabat...
De Iohanne Milton
De Alberto von Haller
De Ioanne Francisco Fernel (1497-1558)
De Anna Magnani (1908-1973)
De Ioanne Alfonso Borelli (1608-1679)
De Iosepho Occhialini (1907-1993)
De Mata Hari (1876-1917)
De Vincentio Filicaia (1642-1707)
Caesar Baronius (1538-1607)
De Rita Casciensi, sancta 'casuum impossibilium'
De Iacobo Casanova (1725-1798)
De Arturo Toscanini (1867-1957)
De Renata Tebaldi (1922-2004)
De Friderico Fellini
De Henrico Houdini (1874 - 1926)
De Ioanna Arendt (1906 - 1975)
De Aloysio Galvani (1737 - 1798)
De Greta Garbo (1905-1990)
De Arcturo Koestler (1905 - 1983)
De Elemiro Zolla (1926-2002)
De Iacobo Leopardi (1798-1837)
Rochus (Rocky) Marciano, (1923–1969)
De Renato Cesarini, pedilusore singularissimo (1906-1969).
De Iusto Lipsio (1547- 1606)
De Antonio Quinn (1915-2001)
Theodericus Bonhoeffer (1906 - 1945)
De Alexandro Volta (1745-1827)
De Isabella, Hispanorum regina 'Catholica'
Die undecimo octobris 1963 obiit Editha Piaf