Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

SCRIPTA HISTORICA ET BIBLIOGRAPHICA VICTORII CHIARROCCHI PISAURENSIS

Victorius Ciarrocchi solebat parvas symbolas historicas scribere in Grege Latine Loquentium, et licentiam nobis benigne dedit textus suos in Ephemeride edendi. Quod fecimus sub rubricis "Historia", "Biographiae" et "Memoranda". Ecce vobis "Biographiae":

De Aloysio Galvani

De Aloysio Galvani (1737 - 1798)

Aloysius Galvani in urbe Bononia, ubi natus erat, die IV Dec. anno MDCCXCVIII mortuus est, sexagesimum primum annun agens.

Ingenio praeditus peracri, in philosophiae et medicinae studia ita incubuit, ut ad res occultiores natus videretur. Ex anno MDCCLXIII usque ad annum MDCCXCVIII in studiorum Universitate Bononiensi medicinam et obstetriciam magno cum discipulorum profectu docuit. Diuturnis investigationibus et secandis cadaveribus locupletissimam sibi rerum ad artem Hippocraticam pertinentium supellectilem comparavit. Par ingenio integritas: huic enim viro, qui Rei publicae Cisalpinae primoribus ius iurandum dare recusaverat, mense Aprili a. MDCCXCVIII omnia munera emolumentaque adempta sunt. Quam magistratuum indignitatem Galvani viriliter passus est.

Inter multa opera, quae Italice et Latine medicus ille scripsit, prae ceteris memoratu dignus est commentarius, quem anno MDCCXCI edidit hoc titulo: "De viribus electricitatis in motu musculari". Ad vim electricam ab artubus ranae convulsis detectam pertinent verba, quae ex tertia operis illius parte excerpsi: "Opportunissimum mihi fuit ranam super cohibens planum, vitreum scilicet, aut resinosum collocare; tum arcum modo deferentem, modo vel totum, vel aliquam saltem ex parte cohibentem adhibere eiusque extremitatem unam unco spinae infixo, alteram aut crurum musculis, aut pedibus apponere. Periculo autem facto, vidi deferenti adhibito arcu contractiones perfici, deficere vero penitus adhibito arcu partim deferenti, partim cohibenti". Atque in fragmento (ex editione Bononiensi, quae anno MDCCCXLI prodiit) haec legi possunt: "Cum in musculari contractione plura mihi contigerit phoenomena observare, quae ad electricam naturam omnino pertinerent..., factum hinc est, ut in eadem contractione vim agere inferrem animali omnino naturalem atque intrinsecam, quae ad electricam vim esset omnino referenda, quamque propterea naturalem atque animalem electricitatem placuit appellare".

Non igitur immerito Aloysium Galvani electrochemiae atque electrophysiologiae "principem" appellarunt omnes fere harum doctrinarum viri doctissimi (ex. gr. Aemilius Du Bois-Reymond, Henricus R. Hertz, Augustus Righi), qui saeculo praeterito vixerunt.

Scripsit Victorius Ciarrocchi -Primum editum fuit 03/10/2006 11h13

De Henrico Toti, qui die 6 Aug. 1916 mortem obiit
De Hieronymo Pragensi, qui abhinc sexcentos annos crematus est
Quaedam de Ludovico XIV, Francogallorum rege (1661-1715)
In memoriam Davidis Balme...
Pro Dante Alagherio, qui anno MCCLXV ortum habuit
DE IOANNE BAPTISTA DELLA PORTA
De Carolo Gesualdo (1566-1613)
De Ioanne Bosco...
De Iosepho Maria Mazzolari (1712-1786)
De Americo Vespucci...
De Ioanna ab Arcu (1412-1431)
Leo primus
De Ioanne Baptista Morgagni...
De Roberto Busa (1913-2011)...
De Othone, domus Absburgicae principe
De Peregrino Artusi (1820-1911)
De Septimio Severo
Carolus Du Cange...
DE CAROLO BORROMAEO...
De Carolo Michelstaedter...
De Camillo Benso Cavour
De Michaele Ruggieri (1543-1607)
Eduardus VII
Quaedam de Iacobi Monod (1910-1976) doctrina philosophica
De Raimundo Montecuccoli
Caesar Lombroso
De vita actisque Alexandri III
Ioannes Calvinus
Imago nova sancti Pauli
Qui primus contra mafiam pugnabat...
De Iohanne Milton
De Alberto von Haller
De Ioanne Francisco Fernel (1497-1558)
De Anna Magnani (1908-1973)
De Ioanne Alfonso Borelli (1608-1679)
De Iosepho Occhialini (1907-1993)
De Mata Hari (1876-1917)
De Vincentio Filicaia (1642-1707)
Caesar Baronius (1538-1607)
De Rita Casciensi, sancta 'casuum impossibilium'
De Iacobo Casanova (1725-1798)
De Arturo Toscanini (1867-1957)
De Renata Tebaldi (1922-2004)
De Friderico Fellini
De Henrico Houdini (1874 - 1926)
De Ioanna Arendt (1906 - 1975)
De Greta Garbo (1905-1990)
De Arcturo Koestler (1905 - 1983)
De Othone Von Bismark
De Elemiro Zolla (1926-2002)
De Iacobo Leopardi (1798-1837)
Rochus (Rocky) Marciano, (1923–1969)
De Renato Cesarini, pedilusore singularissimo (1906-1969).
De Iusto Lipsio (1547- 1606)
De Antonio Quinn (1915-2001)
Theodericus Bonhoeffer (1906 - 1945)
De Alexandro Volta (1745-1827)
De Isabella, Hispanorum regina 'Catholica'
Die undecimo octobris 1963 obiit Editha Piaf