Mercurii die 13 mensis Maii 2026

__________________

DISTICHA CAECILIANA ============== =============

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

---

DISTICHA CAECILIANA

Caecila Koch Monasteriensis solebat disticha scribere ET RECITARE de variis rebus nuperrime gestis. Placet eam denuo auscultare.

 

---

Profectae de profectura

Carmen in tramine ferriviario conscriptum de puella Graeca a parentibus ad Sappho magistram missa

Surge, puella! Parata tibi sunt omnia: peram

in portum allatam naucula parva tenet,

albaque iam vento panduntur vela secundo,

urgent iam nautae, murmurat unda alacris -

surge, puella! Relinque urbem petasata paternam,

extremumque "Vale" accipiant genetrix

dilectusque pater, fraterculus atque sorores;

comprime iam lacrimas: cuncta parata tibi.

Surge, puella, audacter! Ne fle, quod linquenda,

ludere ubi solita es parva, paterna domus:

non iam parvula abis, mox nubilis inde redibis,

quo nunc navigium te petasumque feret.

Surge, puella, animo forti! Mox accipieris

a maiore domo; altera porticus iam

sparget fessae aestu iucunda frigora et umbram,

incumbes telis sedula nunc aliis.

Arte brevi maiore tapeto intexere formas

callebis raras et modulare vocem

ad citharae lyraeque modos, saltare venustis

disces gramina per florida mox gradibus.

Ritibus arcanis te denique clara magistra

imbuet, ut mulier deinde, matura viro,

in patriam redeas, cum sponso mox abitura -

surge, puella, inquam! Fata maiora manent.

Iam editum est carmen apud http://www.lvpa.de/index.php

Scripsit Caecilia Koch Monasteriensis

-Primum editum fuit 28/09/2013 22h28

---

Disticha Augusta MMIX
Disticha Iulia MMIX
DISTICHA IUNIA MMIX
DISTICHA MAIA MMIX
DISTICHA MARTIA MMIX
Disticha Februaria MMIX
Disticha Ianuaria 2009
Disticha Ianuaria 2008
Disticha decembria 2007
Disticha Novembria 2007
Disticha octobria 2007
Disticha Septembria 2007
Disticha Augusta MMVII
Disticha Iulia MMVII
Disticha Iunia MMVII
Disticha Maia 2007
Disticha Aprilia 2007
Disticha Martia 2007
Disticha Februaria MMVII
Disticha Ianuaria MMVII
Disticha Decembria anno 2006
Disticha Novembria 2006
Disticha Octobria 2006
Disticha Septembria 2006
Disticha Augusta 2006
Disticha Iulia 2006
Disdicha Iunia 2006
Disticha Maia 2006
Disticha Aprilia 2006
Disticha Martia 2006
Disticha Februaria 2006
Disticha Ianuaria 2006
Disticha Decembria 2005
Disticha Novembria 2005
Disticha Octobria 2005
Disticha septembria 2005