Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

SCRIPTA HISTORICA ET BIBLIOGRAPHICA VICTORII CHIARROCCHI PISAURENSIS

Victorius Ciarrocchi solebat parvas symbolas historicas scribere in Grege Latine Loquentium, et licentiam nobis benigne dedit textus suos in Ephemeride edendi. Quod fecimus sub rubricis "Historia", "Biographiae" et "Memoranda". Ecce vobis "Biographiae":

De Elemiro Zolla (1926-2002)

De Elemiro Zolla (1926-2002)

Non inter eos viros plus minusve doctos, qui se ipsos 'intellectuales' appellari gloriantur, adnumerandus est Elemirus Zolla, sed in iis magis magisque rarioribus collocandus, quibus nihil tam sit cordi quam ad vera propius accedere ipsaque, pro cuiusvis hominis captu, penitus intellegere.

Iam ex adulescentulo is proclivior fuit multis rebus investigandis ratione usus methodove diversâ a non paucorum virorum potius temporis consuetudinibus, quam veritati adipiscendae, saepe obnoxiorum. Multos libros ille scripsit, quorum themata alii nec tractare solebant quaeque aliqui contemnebant, utpote ipsa nec societatis progressui nec 'novo mundo instaurando'- ut isti intellectuales dictitant- utiliora essent.

Quare non sine difficultate munus universitarium explendum adsecutus est, quia huic viro vel doctissimo atque 'nullius addicto iurare in verba magistri' complures non defuerunt adversarii, quos inter acri vehementiâ eminuerunt philosophiae positivisticae fautores et marxisticae sectatores: illi, quia male tolerabant Elemirum penitiores animi humani inclinationes investigaret demonstrando eas non semper esse rationi subiectas; odio hunc virum habebant marxistae putantes- forsan haud immerito- eius visionem perceptionemve hominum damnosam fore Caroli Marx placitis. Quorundam eventuum a compluribus vel maxime laudatorum, veluti illius rerum Francogallicarum eversionis exeunte saeculo XVIII habitae, vitia atque illusiones patefacere non dubitavit Zolla.

Qui quidem vir primus in Italia et inter primos Europaeos demonstravit quanti momenti essent, ad cultum civilem Europaeum fovendum atque intellegendum, doctrinae quaedam et philosophiae fundamentis mysticis fultae; nam "Mystici Occidentales" inscribitur opus quoddam Elemiri, quod multa scripta complectitur saepe stulte ab aliis vel doctis viris neglecta. Nec silentio praetereunda sunt alia Elemiri opera, veluti "Historia cogitationum", "De illiberalitate deque dolore", "Descensus ad Inferos et resurrectio". Quoniam varias linguas callebat, maxime Anglicam (huic viro Britannica fuit mater), aliquos libros Zolla primum Anglice, veluti "Archetypa", edendos curavit. Litterarum monumenta contemnere nihil aliud esse putabat nisi stultitiam calamitatemque gravissimam, quippe quae moribus in peius labantibus perniciose faveat. Quare haud parvi eos populos faciendos esse putavit, qui sua ipsorum consuetudines veluti patrimonium hereditarium paene sacrum custodire ac tueri contendant. Sententias prima facie parum claras, etiamsi sensu profundiore haud carentes, quam maxime diligebat Elemirus, veluti hanc: "Quando nigri corvi parturient albas columbas, tunc vocaberis sapiens".

Quamvis valetudine parum bona saepius conflictatus, tamen usque ad ultimum aetatis diem, qui fuit trigesimus Mai. a. 2002, indefesse ad studia incubuit. Natus erat Augustae Taurinorum die nono Iul. a. 1926.

Scripsit Victorius Ciarrocchi -Primum editum fuit 06/08/2006 15h04

De Henrico Toti, qui die 6 Aug. 1916 mortem obiit
De Hieronymo Pragensi, qui abhinc sexcentos annos crematus est
Quaedam de Ludovico XIV, Francogallorum rege (1661-1715)
In memoriam Davidis Balme...
Pro Dante Alagherio, qui anno MCCLXV ortum habuit
DE IOANNE BAPTISTA DELLA PORTA
De Carolo Gesualdo (1566-1613)
De Ioanne Bosco...
De Iosepho Maria Mazzolari (1712-1786)
De Americo Vespucci...
De Ioanna ab Arcu (1412-1431)
Leo primus
De Ioanne Baptista Morgagni...
De Roberto Busa (1913-2011)...
De Othone, domus Absburgicae principe
De Peregrino Artusi (1820-1911)
De Septimio Severo
Carolus Du Cange...
DE CAROLO BORROMAEO...
De Carolo Michelstaedter...
De Camillo Benso Cavour
De Michaele Ruggieri (1543-1607)
Eduardus VII
Quaedam de Iacobi Monod (1910-1976) doctrina philosophica
De Raimundo Montecuccoli
Caesar Lombroso
De vita actisque Alexandri III
Ioannes Calvinus
Imago nova sancti Pauli
Qui primus contra mafiam pugnabat...
De Iohanne Milton
De Alberto von Haller
De Ioanne Francisco Fernel (1497-1558)
De Anna Magnani (1908-1973)
De Ioanne Alfonso Borelli (1608-1679)
De Iosepho Occhialini (1907-1993)
De Mata Hari (1876-1917)
De Vincentio Filicaia (1642-1707)
Caesar Baronius (1538-1607)
De Rita Casciensi, sancta 'casuum impossibilium'
De Iacobo Casanova (1725-1798)
De Arturo Toscanini (1867-1957)
De Renata Tebaldi (1922-2004)
De Friderico Fellini
De Henrico Houdini (1874 - 1926)
De Ioanna Arendt (1906 - 1975)
De Aloysio Galvani (1737 - 1798)
De Greta Garbo (1905-1990)
De Arcturo Koestler (1905 - 1983)
De Othone Von Bismark
De Iacobo Leopardi (1798-1837)
Rochus (Rocky) Marciano, (1923–1969)
De Renato Cesarini, pedilusore singularissimo (1906-1969).
De Iusto Lipsio (1547- 1606)
De Antonio Quinn (1915-2001)
Theodericus Bonhoeffer (1906 - 1945)
De Alexandro Volta (1745-1827)
De Isabella, Hispanorum regina 'Catholica'
Die undecimo octobris 1963 obiit Editha Piaf