Mercurii die 13 mensis Maii 2026

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo . Ignoscite!

SCRIPTA HISTORICA ET BIBLIOGRAPHICA VICTORII CIARROCCHI PISAURENSIS

Victorius Ciarrocchi solebat parvas symbolas historicas scribere in Grege Latine Loquentium, et licentiam nobis benigne dedit textus suos in Ephemeride edendi. Quod fecimus sub rubricis "Historia", "Biographiae" et "Memoranda". Ecce vobis "Biographiae":

De Antonio Quinn

De Antonio Quinn (1915-2001)

Nemo fere est quin aliquem actorem scaenicum praetulerit vel ob primas quas hic egerit variis in spectaculis vel alias propter causas, quae nobismet ignotae sint. Fuit Antonius Quinn praeclarus actor cinematographicus, cuius memoriam saltem plerique Italorum caram habebunt, exinde ille a Friderico Fellini electus est ut partem repraesentaret cuiusdam ventilatoris errabundi, qui una cum femina quadam vitam tolerare contenderet. Huius pelliculae titulus est "La strada", quae, sicut legi, non modo nos Italos lacrimis faciles, verum etiam permultos aliarum gentium spectatores penitus commovit. Addunt acta diurna eo tempore, id est anno 1954, nec Italice Quinn nec Anglice Fellini loqui valuisse; attamen uterque alterum intellegere potuisse, videlicet quia statim inter eos nata sit illa animorum coniunctio, quae in hominibus idem sentientibus oriri soleat. "Zampanò" appellabatur ventilator ille, quem vitae vicissitudines rudem asperumque reddiderant. Fortasse nullus actor, praeter Marcellum Mastroianni, tam bene partes illas egit sicut Antonius Quinn in pelliculis, quas Fellini moderatus erat. Nec minus perfecte agentem spectavi hunc actorem plerisque in aliis spectaculis, quorum memoratu dignum putaverim "Lawrence d'Arabia" et "Barabba". Ea in pellicula Quinn eminuit cum Petro O'Toole, in hac cum Iacobo Palance, gladiatorum duce: vultum utriusque actoris (Antonii dico et Iacobi) audacem ferocemque haud facile oblivisci poteris. Quid aliud de hoc actore scaenico? Omnia fortasse ille adeptus est, quae homines cupiunt: neque casu accidit, ut "Cupiditas vivendi" inscribatur spectaculum quoddam, cuius causa primum Antonius Quinn praemio honestatus est, quod "Oscar" dicitur; is quinque linguas callebat; tres feminas duxit uxores; tredecim filios habuit, quorum ultimus natus est anno 1997, dum pater (invidi taceant ac malevoli!) secundum supra octogesimum agit annum.

Scripsit Victorius Ciarrocchi -Primum editum fuit 08/03/2006 13h45

De Henrico Toti, qui die 6 Aug. 1916 mortem obiit
De Hieronymo Pragensi, qui abhinc sexcentos annos crematus est
Quaedam de Ludovico XIV, Francogallorum rege (1661-1715)
In memoriam Davidis Balme...
Pro Dante Alagherio, qui anno MCCLXV ortum habuit
DE IOANNE BAPTISTA DELLA PORTA
De Carolo Gesualdo (1566-1613)
De Ioanne Bosco...
De Iosepho Maria Mazzolari (1712-1786)
De Americo Vespucci...
De Ioanna ab Arcu (1412-1431)
Leo primus
De Ioanne Baptista Morgagni...
De Roberto Busa (1913-2011)...
De Othone, domus Absburgicae principe
De Peregrino Artusi (1820-1911)
De Septimio Severo
Carolus Du Cange...
DE CAROLO BORROMAEO...
De Carolo Michelstaedter...
De Camillo Benso Cavour
De Michaele Ruggieri (1543-1607)
Eduardus VII
Quaedam de Iacobi Monod (1910-1976) doctrina philosophica
De Raimundo Montecuccoli
Caesar Lombroso
De vita actisque Alexandri III
Ioannes Calvinus
Imago nova sancti Pauli
Qui primus contra mafiam pugnabat...
De Iohanne Milton
De Alberto von Haller
De Ioanne Francisco Fernel (1497-1558)
De Anna Magnani (1908-1973)
De Ioanne Alfonso Borelli (1608-1679)
De Iosepho Occhialini (1907-1993)
De Mata Hari (1876-1917)
De Vincentio Filicaia (1642-1707)
Caesar Baronius (1538-1607)
De Rita Casciensi, sancta 'casuum impossibilium'
De Iacobo Casanova (1725-1798)
De Arturo Toscanini (1867-1957)
De Renata Tebaldi (1922-2004)
De Friderico Fellini
De Henrico Houdini (1874 - 1926)
De Ioanna Arendt (1906 - 1975)
De Aloysio Galvani (1737 - 1798)
De Greta Garbo (1905-1990)
De Arcturo Koestler (1905 - 1983)
De Othone Von Bismark
De Elemiro Zolla (1926-2002)
De Iacobo Leopardi (1798-1837)
Rochus (Rocky) Marciano, (1923–1969)
De Renato Cesarini, pedilusore singularissimo (1906-1969).
De Iusto Lipsio (1547- 1606)
Theodericus Bonhoeffer (1906 - 1945)
De Alexandro Volta (1745-1827)
De Isabella, Hispanorum regina 'Catholica'
Die undecimo octobris 1963 obiit Editha Piaf