Martis die 19 mensis Maii 2026

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo . Ignoscite!

SCRIPTA HISTORICA ET BIBLIOGRAPHICA VICTORII CIARROCCHI PISAURENSIS

Victorius Ciarrocchi solebat parvas symbolas historicas scribere in Grege Latine Loquentium, et licentiam nobis benigne dedit textus suos in Ephemeride edendi. Quod fecimus sub rubricis "Historia", "Biographiae" et "Memoranda". Ecce vobis "Biographiae":

Die sexto Ianuarii anno 1412 parvo in Francogalliae oppido ‘

De Ioanna ab Arcu (6 Ian.1412-30 Mai.1431)

Die sexto Ianuarii anno 1412 parvo in Francogalliae oppido ‘Domremy’ appellato et in ‘Marca Lotharingica’ sito nata est Ioanna, quam ob paternum nomen gentilicium Dart seu Tard, ‘d’Arc’ vocata est et forsan Latine ‘Ioanna ab Arcu’ dici potest. Sicut aliae id temporis adulescentulae, etiam haec puella primos aetatis suae annos familiaribus dedita occupationibus degit: saepe oves pascebat et horas subsicivas ad officia religiosa auscultanda dicabat.

Cum annum decimum tertium ageret, quasdam voces audire coepit supernaturales, ut aiunt qui eam a Deo electam putant (nam anno 1920 sanctorum fastis adscripta est), aut imaginarios nuntios, ut alii autumant. Utique Ioanna pro certo habuit a se aliquid agendum esse pro Francogallis, qui praesertim post victoriam a Britannorum exercitu partam in proelio ‘Azincourtensi’ (a. 1415) misere iacebant, dum Carolus VII, illorum rex, inermis pavidusque quid faceret haerebat. Quare periculum erat ne in hostium dicionem totum regnum serius ocius redigeretur.

Anno 1429 tandem Ioanna ad aulam Caroli se conferre potuit a quo facultatem obtinuit ut exercitum ad urbem Aureliam ('Orléans') duceret, quam inde a superiore anno Britanni obsidebant. Fractâ horum obsidione et Aureliâ die 8 Mai. 1429 liberatâ, aliis ex proeliis, maxime illo prope oppidum ‘Patay’ commisso, victores evaserunt Francogalli. Itaque die 17 Iul. in cathedrali Remensi (‘Reims’) Carolus regiis insignibus exornatus est.

Sed operam dare ut aliae Francogallicae regiones a Britannorum et Burgundiorum dominatu liberarentur non destitit Ioanna, quae paucis cum centenis militum Compendium (‘Compiegne’) urbem ab hostibus cinctam defendere frustra contendit, quia die 23 Mai. 1430 haec adulescentula a Burgundis capta est. Qui ipsam Britannis vendiderunt, nihil magis cupientibus nisi ut suorum in potestate hanc feminam haberent. His hostibus admodum favebat Petrus Cauchon, episcopus Bellovacensis (‘Beauvais’), qui, cum Ioannae infestissimus esset, hanc feminam in processu, qui anno insequenti habitus est, veluti haereticam arguit et sagam et potestati ecclesiasticae adversariam. Strenue se defendit Ioanna per quattuor menses contra istiusmodi calumnias, dum eius captivitas in dies durior fiebat: etiam impudicitiae accusata est, sed falso, quia duae feminae, quas ad talem corporis probationem faciendam iudices ipsi delegaverant, Ioannam incorruptae virginitatis esse testatae sunt.

Adeo multa ignobilia pati debuit, ut ipsa suas anteactae vitae actiones et voces auditas abiuraverit. Sed post duos dies abiurationem respuit. Quare, sicuti ‘relapsa’, eam igni cremari iudices decreverunt. Id quod die 30 Mai. a. 1431 magno in foro urbis Rotomagi (‘Rouen’) factum est. Eius cineres, ne quis ipsam postea veneraretur, in Sequanam fluvium iactae sunt. «Sic Ioanna obiit, mirabilis et stupenda virgo, quae collapsum ac paene dissipatum Francorum regnum restituit […] Divinum opus an humanum inventum fuerit, difficile affirmaverim […]» (Ex Pii Secundi (1458-1464) P. M. opere ‘Commentarii rerum memorabilium quae temporibus suis contigerunt’ inscripto, L. VI, cap. 287). Post accuratas de illo processu investigationes habitas, ipsum mancum ideoque iuridice "nullum" fuisse statuit Callistus III, P. M. (1455-1458).

Scripsit Victorius Ciarrocchi -Primum editum fuit 04/03/2012 15h55

De Henrico Toti, qui die 6 Aug. 1916 mortem obiit
De Hieronymo Pragensi, qui abhinc sexcentos annos crematus est
Quaedam de Ludovico XIV, Francogallorum rege (1661-1715)
In memoriam Davidis Balme...
Pro Dante Alagherio, qui anno MCCLXV ortum habuit
DE IOANNE BAPTISTA DELLA PORTA
De Carolo Gesualdo (1566-1613)
De Ioanne Bosco...
De Iosepho Maria Mazzolari (1712-1786)
De Americo Vespucci...
Leo primus
De Ioanne Baptista Morgagni...
De Roberto Busa (1913-2011)...
De Othone, domus Absburgicae principe
De Peregrino Artusi (1820-1911)
De Septimio Severo
Carolus Du Cange...
DE CAROLO BORROMAEO...
De Carolo Michelstaedter...
De Camillo Benso Cavour
De Michaele Ruggieri (1543-1607)
Eduardus VII
Quaedam de Iacobi Monod (1910-1976) doctrina philosophica
De Raimundo Montecuccoli
Caesar Lombroso
De vita actisque Alexandri III
Ioannes Calvinus
Imago nova sancti Pauli
Qui primus contra mafiam pugnabat...
De Iohanne Milton
De Alberto von Haller
De Ioanne Francisco Fernel (1497-1558)
De Anna Magnani (1908-1973)
De Ioanne Alfonso Borelli (1608-1679)
De Iosepho Occhialini (1907-1993)
De Mata Hari (1876-1917)
De Vincentio Filicaia (1642-1707)
Caesar Baronius (1538-1607)
De Rita Casciensi, sancta 'casuum impossibilium'
De Iacobo Casanova (1725-1798)
De Arturo Toscanini (1867-1957)
De Renata Tebaldi (1922-2004)
De Friderico Fellini
De Henrico Houdini (1874 - 1926)
De Ioanna Arendt (1906 - 1975)
De Aloysio Galvani (1737 - 1798)
De Greta Garbo (1905-1990)
De Arcturo Koestler (1905 - 1983)
De Othone Von Bismark
De Elemiro Zolla (1926-2002)
De Iacobo Leopardi (1798-1837)
Rochus (Rocky) Marciano, (1923–1969)
De Renato Cesarini, pedilusore singularissimo (1906-1969).
De Iusto Lipsio (1547- 1606)
De Antonio Quinn (1915-2001)
Theodericus Bonhoeffer (1906 - 1945)
De Alexandro Volta (1745-1827)
De Isabella, Hispanorum regina 'Catholica'
Die undecimo octobris 1963 obiit Editha Piaf