Logistorica

PAGINA IONATHAE STANISLAI GNOSIS
in uniuersitate Yalensi philosophiae doctor factus, stirpe Polonica ortus, ciuitatis Connecticutensis incola, linguae Latinae et Graecae fautor, Sancti Thomae Aquinatis discipulus.
https://www.latinusblogus.org/

ROGUE ONE

omnium cinegrammatum quae de Bellis Astricis post partes I-VI facta sunt optimum existimo id quod Autobulus Vnus dicitur (si uocabulum "autobulum" ex lingua Graeca ad Latine reddendum id quod "rogue" Anglice dicitur adhibere licet). nam quae uitia aliorum de Bellis Astricis cinegrammatum post partes I-VI factorum sunt ea uitia Autobulo Vni non insunt. quae uitia? primum argumentum quod plerumque ex elementis cinegrammatum priorum excerptis compositum est; secundum argumentum quod ad Anacini Caelambuli uitam non pertinet. nam Bella Astrica nihil sunt nisi Anacini Caelambuli uita. in partibus VII-IX autem narrantur res quae post Anacini mortem fiunt; ergo eae partes extra Bella Astrica sunt et locum quasi bracchii tertii in corpore humano habent. Autobulus Vnus autem ad Anacini Caelambuli aetatem pertinet. tamen simul Autobulus Vnus haudquaquam elementorum priorum iterum adhibitorum massa est sed tantum in se stat quantum personas nouas noua patientes noua facientes noua dicentes exhibet. nam ante Autobulum Vnum in Bellis Astricis uisus erat neque ingeniator qui pro regimine uitioso operari cogitur nec bellatores qui quam ea quae iussa sunt meliora facere uolunt. tamen quomodo tales personae se gerant ea argumenta saltem mihi animum tenent et in Autobulo Vno bene componuntur.

Scripsit Ionathas Gnosis

---