Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

DISTICHA CAECILIANA

Caecila Koch Monasteriensis solebat disticha scribere ET RECITARE de variis rebus nuperrime gestis. Placet eam denuo auscultare.

 

Disticha Martia 2006

 De Theodulo (

De Theodulo (1) Rahman sive de rerum statu in Afghania

 Bactrorum cum gente proelia plurima quondam
gessit Alexander; denique in imperium
illam etiam gentem, qua non remotior ulla,
non ignota magis, en Macedo subigit.
Pars igitur nunc orbis facta est Bactria Graeci?
Cedit barbaries artibus ac studiis?
Non cedit. Moritur rex magnus: Bactria prima
deficit a regno, barbariesque manet.
Nunc alius populus – forsan heredes Macedonum? –
iussibus Arbusti (2) Bactrica bella gerit;
ignibus et ferro vult propagare salutem
humanum et cultum. Quid tamen efficiunt
hi Macedonum heredes? Absunt sane tyranni,
sub quis gemebat ante diu populus.
Libertas tamen haec, quam bellum hostesque dederunt,
si, lector, quaeris, quid populo valeat,
multa exempla docent: hoc femina quaeque docebit,
quae gradibus timidis per fora perque vias
incedit longo densoque velamine tecta;
hoc docet haec etiam, coniugium fugiens
quae senis ac saevi sese, ut multae, iugulavit.
Exemplumque recens et Theodulus erat,
vir pius atque probus, Mahometi fide relicta
qui voluit Christo flectere abhinc genua.
Deiectusque in vincula causam dein capitalem
hanc ob rem subiit, ut nova lex statuit.
Decrevit tamen hanc legem populus fere totus.
Dum mecum haec recolo, admoneor populi
Germani, qui olim Wilhelmo Caesare pulso
respuit esse liber mox voluitque novum
peioremque creare tyrannum. Libera vita
nolenti imposita quid potest esse homini?

(1) Abdul = „servus Dei"
(2) Arbustum = Bush

-Primum editum fuit 01/04/2006 13h30

Profectae de profectura
Disticha Augusta MMIX
Disticha Iulia MMIX
DISTICHA IUNIA MMIX
DISTICHA MAIA MMIX
DISTICHA MARTIA MMIX
Disticha Februaria MMIX
Disticha Ianuaria 2009
Disticha Ianuaria 2008
Disticha decembria 2007
Disticha Novembria 2007
Disticha octobria 2007
Disticha Septembria 2007
Disticha Augusta MMVII
Disticha Iulia MMVII
Disticha Iunia MMVII
Disticha Maia 2007
Disticha Aprilia 2007
Disticha Martia 2007
Disticha Februaria MMVII
Disticha Ianuaria MMVII
Disticha Decembria anno 2006
Disticha Novembria 2006
Disticha Octobria 2006
Disticha Septembria 2006
Disticha Augusta 2006
Disticha Iulia 2006
Disdicha Iunia 2006
Disticha Maia 2006
Disticha Aprilia 2006
Disticha Februaria 2006
Disticha Ianuaria 2006
Disticha Decembria 2005
Disticha Novembria 2005
Disticha Octobria 2005
Disticha septembria 2005