Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

DISTICHA CAECILIANA

Caecila Koch Monasteriensis solebat disticha scribere ET RECITARE de variis rebus nuperrime gestis. Placet eam denuo auscultare.

 

Disticha Ianuaria 2006

 Disticha Ianuaria MMVI

De causa forensi in Italia agenda, utrum Iesus fuerit necne (cf. Craterem Nugarum)

„Christus erat quidam, Iudaeus, seditiosus,
qui Tiberi periit tempore supplicio…"
Tradidit haec Tacitus (1). „Ob multos urbe tumultos
pulsi Iudaei, quos", ait, „impulerat",
dein alius scriptor, „Chrestos." (2) Non illa videntur
certa satis? Sed nunc rusticus est Italus,
credere qui Tacitum verum dixisse recusat.
Dices: „Qui non vult credere, ne faciat!
Cuique suum!" Tamen is spargi mendacia censet,
Si quis dicit idem, per populum vetita.
Non ab eo Tacitus (fortasse vocabitur olim?)
ipse vocatur in ius, sed miser ecce senex,
seditiosi eius qui impulsorisque tumulti
Iudaei vates cultor eratque pius.
Sextus bis millesimus annus dicitur esse
post Christum natum! Sed miser ille senex
nunc Christum natum esse debebit iure probare.
Christianos rigidos flexibilesque parum
iudicio coram censebat Plinius olim. (3)
Quid, si novisset Plinius hunc Italum?

(1) … Nero subdidit reos et quaesitissimis poenis adfecit, quos per flagitia invisos vulgus Chrestianos appellabat. Auctor nominis eius Christus Tiberio imperitante per procuratorem Pontium Pilatum supplicio adfectus erat. (Tac. Ann. 15, 44)

(2) Iudaeos impulsore Chresto assidue tumultuantis Roma expulit. (Suetonii Vita Claudii 25)

(3) Interrogavi ipsos an essent Christiani. Confitentes iterum ac tertio interrogavi supplicium minatus; perseverantes duci iussi. Neque enim dubitabam, qualecumque esset quod faterentur, pertinaciam certe et inflexibilem obstinationem debere puniri. (Plin. Ep. 10,96)

-Primum editum fuit 01/04/2006 13h25

Profectae de profectura
Disticha Augusta MMIX
Disticha Iulia MMIX
DISTICHA IUNIA MMIX
DISTICHA MAIA MMIX
DISTICHA MARTIA MMIX
Disticha Februaria MMIX
Disticha Ianuaria 2009
Disticha Ianuaria 2008
Disticha decembria 2007
Disticha Novembria 2007
Disticha octobria 2007
Disticha Septembria 2007
Disticha Augusta MMVII
Disticha Iulia MMVII
Disticha Iunia MMVII
Disticha Maia 2007
Disticha Aprilia 2007
Disticha Martia 2007
Disticha Februaria MMVII
Disticha Ianuaria MMVII
Disticha Decembria anno 2006
Disticha Novembria 2006
Disticha Octobria 2006
Disticha Septembria 2006
Disticha Augusta 2006
Disticha Iulia 2006
Disdicha Iunia 2006
Disticha Maia 2006
Disticha Aprilia 2006
Disticha Martia 2006
Disticha Februaria 2006
Disticha Decembria 2005
Disticha Novembria 2005
Disticha Octobria 2005
Disticha septembria 2005