Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

DISTICHA CAECILIANA

Caecila Koch Monasteriensis solebat disticha scribere ET RECITARE de variis rebus nuperrime gestis. Placet eam denuo auscultare.

 

Disticha Octobria 2005

 De Vespero Omnium Sanctorum

De Vespero Omnium Sanctorum

Omnes per vicos hac nocte cucurbita candet
multis in terris, dona petunt liberi
Europae cum per gentes, tum trans mare magnum,
per quod mos olim venit in illa loca,
ex quibus ad nos nunc rediit lenteque crebrescit.
Illic autem, ubi iam saecula multa viget,
morem illum servat celebratque vel ultima Thule.
Est locus in Canada, exiguus numerus
quo vivit en hominum usque lupis vicinus et ursis
magnis atque albis; niveus ille color
totam illic hiemem longam, dum nocte perenni
terra omnis tegitur nive rigetque gelu,
ursum vel grandem celat a visu, donec usque
in semitas vici fame iubente venit.
„Vestem quam tibi sumere festivam hoc cupis anno
Vespere Sanctorum?" ecce magister ait
in ludo pueris. „Ursi", plerique reponunt.
Grandis, formosus, fortis et albus erit,
Arctoi qui habitum vel vestibus assimulabit,
mirandusque aliis atque verendus erit!
„Quidque agitis, prudenter! " eos monet ille magister.
„Num nescitis, quam multa pericla ferant
gaudia, quae cupitis?" Nemo est, qui nesciat. Ursi
errant haud rari per fora perque vias;
noctu qui videt „ursum" alium, fortasse pugnabit,
aemulus ut pereat. Atque homines etiam,
si procul aspiciunt ursum, oppugnare conantur
sive necare. Puer, qui voluit sociis
horrendus fortisque videri veste aliena,
mox ipse horrebit, cum fera sive homines
vesti illi nimium credent. Tamen hoc etiam anno
multi se esse ursos assimulant pueri.
Tam multum cupiunt magni fortesque videri.
Parvule, quid tu alio tempore vir facies?

-Primum editum fuit 06/11/2005 21h37

Profectae de profectura
Disticha Augusta MMIX
Disticha Iulia MMIX
DISTICHA IUNIA MMIX
DISTICHA MAIA MMIX
DISTICHA MARTIA MMIX
Disticha Februaria MMIX
Disticha Ianuaria 2009
Disticha Ianuaria 2008
Disticha decembria 2007
Disticha Novembria 2007
Disticha octobria 2007
Disticha Septembria 2007
Disticha Augusta MMVII
Disticha Iulia MMVII
Disticha Iunia MMVII
Disticha Maia 2007
Disticha Aprilia 2007
Disticha Martia 2007
Disticha Februaria MMVII
Disticha Ianuaria MMVII
Disticha Decembria anno 2006
Disticha Novembria 2006
Disticha Octobria 2006
Disticha Septembria 2006
Disticha Augusta 2006
Disticha Iulia 2006
Disdicha Iunia 2006
Disticha Maia 2006
Disticha Aprilia 2006
Disticha Martia 2006
Disticha Februaria 2006
Disticha Ianuaria 2006
Disticha Decembria 2005
Disticha Novembria 2005
Disticha septembria 2005