Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

DISTICHA CAECILIANA

Caecila Koch Monasteriensis solebat disticha scribere ET RECITARE de variis rebus nuperrime gestis. Placet eam denuo auscultare.

 

DISTICHA IUNIA MMIX

 “Et iam complerat genitor sua fata novemque

De Ephemeride quinque annos nata

„Et iam complerat genitor sua fata novemque
addiderat lustris altera lustra novem" (1),
talia grandaevo de dilectoque parente
Tristi in carmine ait Naso poeta suo.
Fortunate senex, tam longa aetate licebat
perfructari olim quod tibi, non fueris
Musarumque artisque licet cultor neque fautor,
„Maionides nullas ipse reliquit opes - ",
dixeris et gnato, „studium quid inutile temptas?" (2)
Non ullis poenis hoc tamen Pierides
mites et faciles multarunt. Nonne puellae
quinquenni nostrae, quae artibus ingenuis
Phoeboque et Musis iam nunc tam sedula servit,
longius olim aevum lustraque plura dabunt
divi? Nonne faventi dique deaeque faventes
grandaevae olim anui non modo lustra novem
addent, saecula sed, priscum cultumque Nasonis
sermonem et Tulli amplius ut provehat
omnes per mundi gentes, Tullique nepotes,
praeclarum Latium nunc quibus incolitur,
Tuscia seu Campanus ager sive Umbria amoena,
Gallos atque Dacos, quique alii imperio
Romano subiecti victorum cupiebant
moribus humanis mox similes fieri,
extremae necnon per gentes barbariei:
Australes, Brasilos, per frigidam et Canadam,
terras, quae imperii Romani tempore nusquam
exstabant; nam tunc partibus ecce tribus
orbis constabat terrae, Africaque Asiaque
Europa et nostra, fluctibus Oceani,
ultra quos nihil esse potest, circumdatus amplis –
non, dico, huic tribuent saecula multa dei,
omnem per mundum quae vocem sedula Tulli
sic iuvat? Ex quo infans parvula nostra eloquens
in lucem genita est, lustrum feliciter egit
unum; plurima abhinc floreat ac vigeat!

(1) Trist. IV, 10, 77-78
(2) Trist. IV, 10, 21-22

-Primum editum fuit 04/07/2009 21h14

Profectae de profectura
Disticha Augusta MMIX
Disticha Iulia MMIX
DISTICHA MAIA MMIX
DISTICHA MARTIA MMIX
Disticha Februaria MMIX
Disticha Ianuaria 2009
Disticha Ianuaria 2008
Disticha decembria 2007
Disticha Novembria 2007
Disticha octobria 2007
Disticha Septembria 2007
Disticha Augusta MMVII
Disticha Iulia MMVII
Disticha Iunia MMVII
Disticha Maia 2007
Disticha Aprilia 2007
Disticha Martia 2007
Disticha Februaria MMVII
Disticha Ianuaria MMVII
Disticha Decembria anno 2006
Disticha Novembria 2006
Disticha Octobria 2006
Disticha Septembria 2006
Disticha Augusta 2006
Disticha Iulia 2006
Disdicha Iunia 2006
Disticha Maia 2006
Disticha Aprilia 2006
Disticha Martia 2006
Disticha Februaria 2006
Disticha Ianuaria 2006
Disticha Decembria 2005
Disticha Novembria 2005
Disticha Octobria 2005
Disticha septembria 2005