Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

DISTICHA CAECILIANA

Caecila Koch Monasteriensis solebat disticha scribere ET RECITARE de variis rebus nuperrime gestis. Placet eam denuo auscultare.

 

Disticha Novembria 2005

 De Veneris secretis investigandis(

De Veneris secretis investigandis
(cf. Nuntios fasc. 73)

"Ne maledicas* Lucifero, iuvenis, veniente
quo exis mane domo cum grege cumque pedo;
namque domum te sidus idem labore peracto
nomine mutato Hesperus et referet."
Sic cecinit vates. Nam a prisco tempore, caeli
quo scrutabantur sidera primi homines,
idem mane diem praenuntiat, vespere noctem
Lucifer e caelo. Quin Babyloni etiam,
caeli qui ante alios tum stellarumque periti,
summa cum cura - nam coluere deam! -
sidus hoc observabant Astartemque vocabant,
Romanisque Venus, sidus amoris, erat.
Nunc autem, cum iam non tantum oculis observant
longinqua ex terris sidera, ut ante, homines,
instrumenta sed in caelum mittunt, propius quae
omnia scrutentur, terrigenis referant,
cognita nobis vicino de sidere, mentem
quae terrent, multa: non oculus penetrat
nubes atque aestus, totum vapore planetam
qui cingunt Venerem, lividus et calidus
fervet aer densus, qui non spirabilis ulli;
hinc a terrigenis machina quin etiam
missa frequens periit pressuque et sulphure multo.
Atqui erat haec terra, praebet amoena homini
omnibus atque animantibus aeraque et vitamque,
olim tam similis horribili Veneri!
Qui potuit noster dein fons vitae esse planeta,
leti Tartarus et proximus esse simul?
Exquiratur ut hoc, nunc ecce volatile missum est
telum. Di faciant, ut Venerem toleret!

* Ne, puer, maledixeris,
linquens Lucifero domum
cum patris grege, cum pedo,
quod tu, Lucifer ut iubet,
peram sumis abisque.
(…)
Perge, ne maledic, puer,
namque vespere te domum
sidus et referet. Domi
ligna sunt, puer, in foco,
mater est, bona puls est.

Unus et peragras humi
tu quidem, unus et emicat
sublime Hesperus: abstulit
lucifer, referet novo
nomine Hesperus idem.

(Ioannes Pascoli, Catullocalvos)

-Primum editum fuit 01/12/2005 14h59

Profectae de profectura
Disticha Augusta MMIX
Disticha Iulia MMIX
DISTICHA IUNIA MMIX
DISTICHA MAIA MMIX
DISTICHA MARTIA MMIX
Disticha Februaria MMIX
Disticha Ianuaria 2009
Disticha Ianuaria 2008
Disticha decembria 2007
Disticha Novembria 2007
Disticha octobria 2007
Disticha Septembria 2007
Disticha Augusta MMVII
Disticha Iulia MMVII
Disticha Iunia MMVII
Disticha Maia 2007
Disticha Aprilia 2007
Disticha Martia 2007
Disticha Februaria MMVII
Disticha Ianuaria MMVII
Disticha Decembria anno 2006
Disticha Novembria 2006
Disticha Octobria 2006
Disticha Septembria 2006
Disticha Augusta 2006
Disticha Iulia 2006
Disdicha Iunia 2006
Disticha Maia 2006
Disticha Aprilia 2006
Disticha Martia 2006
Disticha Februaria 2006
Disticha Ianuaria 2006
Disticha Decembria 2005
Disticha Octobria 2005
Disticha septembria 2005