Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

DISTICHA CAECILIANA

Caecila Koch Monasteriensis solebat disticha scribere ET RECITARE de variis rebus nuperrime gestis. Placet eam denuo auscultare.

 

Disticha Februaria 2006

 De castore primigenio petrefacto et nuper invento (

De castore primigenio petrefacto et nuper invento (cf. „Scientias“)

Vivebant quondam in terris animalia quaedam,
non ovis genitam lacte suo subolem
quae alebant mammis; quin nostri abavi illa fuere,
nostram non ovis progeniem genitam
more pari qui nunc nutrimus lacte materno.
Quid scimus de illis nos homines proavis?
Ingeniosa credimus mammalia prima;
quidni, cum simus stirpe ab eadem homines
nos, qui tam sapientes? Sed quam parva fuere!
Nonne fuit prisco tempore terribilis
saurus, qui immanis dominus terraque marique?
Non vixere diu haec simul; orta brevi
sauros ante exstinctos sunt mammalia – pauca! - ,
credimus. E caelis horribili feriens
vi saxum dein ingens terras omnia mutat,
omnia: quae prope sunt, paene simul pereunt
aestuve ardenti flammisve aurisve nocivis.
Nec securum animal longinquum esse potest:
permultos cineres vis saxi iactat in altum,
noctem qui longam, perpetuam faciunt
multos omni annos terrarum denique in orbe;
solis iam nulli perveniunt radii.
Longam dein hiemem non arbor, germina nulla,
non alga in maribus incolumis tolerat.
Semanimis fame aera pervolat en pterosaurus,
ichthyosaurus nat languidus in tenebris.
Sed nostri proavi vivunt, mammalia prima,
pauca; sed est illis multa dein suboles.
Nunc ipsum hoc prodest illisce, quod ante nocebat:
sunt parva, et pauca pabula sufficiunt,
ut vivant et alant subolem, sauri moriantur
cum fame; sic saxum, quod fere terrigenis
cunctis eripuit vitam, mammalibus illis
sola salus fuerat. Vivere sic etiam
nobis dein tribuit, qui nunc terram dominamur,
ut quondam sauri. Hoc putavere homines…
Sed nunc inventum est mammale animal petrefactum,
quod longe ante illum letiferum lapidem
vixit, cum sauri multi erravere per orbem.
Nunc stegosaurorum litora sub pedibus
ampla pererrabat, nabat nunc cum ichthyosauris.
Quid scimus de illis nos homines proavis?

-Primum editum fuit 01/04/2006 13h29

Profectae de profectura
Disticha Augusta MMIX
Disticha Iulia MMIX
DISTICHA IUNIA MMIX
DISTICHA MAIA MMIX
DISTICHA MARTIA MMIX
Disticha Februaria MMIX
Disticha Ianuaria 2009
Disticha Ianuaria 2008
Disticha decembria 2007
Disticha Novembria 2007
Disticha octobria 2007
Disticha Septembria 2007
Disticha Augusta MMVII
Disticha Iulia MMVII
Disticha Iunia MMVII
Disticha Maia 2007
Disticha Aprilia 2007
Disticha Martia 2007
Disticha Februaria MMVII
Disticha Ianuaria MMVII
Disticha Decembria anno 2006
Disticha Novembria 2006
Disticha Octobria 2006
Disticha Septembria 2006
Disticha Augusta 2006
Disticha Iulia 2006
Disdicha Iunia 2006
Disticha Maia 2006
Disticha Aprilia 2006
Disticha Martia 2006
Disticha Ianuaria 2006
Disticha Decembria 2005
Disticha Novembria 2005
Disticha Octobria 2005
Disticha septembria 2005