Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

SCRIPTA BENEDICTI HUCULAK OFM

Frater Benedictus Huculak OFM multa in Ephemeridem scripsit de vitis sanctorum, de aliisque rebus biblicis, et etiam versionem Latinam suam (magis "classicam") composuit evangeliorum secundum Marcum et Lucam, sub rubricis "Sanctus" et "Scholastica". Ecce "Sanctus 1"

 

EVANGELIUM SECUNDUM LUCAM (Cap.VIII)

VIII. Factum est deinceps, ut ille iter faceret per ciuitatem et uicum praedicans et fauste nuntians regnum Dei. Duodecim cum illo [erant]

2 et aliquae mulieres, quae erant curatae a spiritibus malignis et infirmitatibus: Maria, quae uocatur Magdalia, e qua exiuerant daemonia septem,

3 et Ioanna uxor Chuzae, procuratoris Herodis, et Susanna et aliae multae, quae ministrabant eis e proprietatibus suis.

4 Cum autem turba multa conueniret, et e singulis ciuitatibus properarent ad eum, dixit per collationem:

5 ‘Exiit seminator ad seminandum semen suum. Dum ille seminat, aliud [semen] cecidit secus uiam et conculcatum est, et uolucres caeli comederunt illud.

6 Aliud cecidit super petram et, cum creuisset, aruit, quia non habebat humorem.

7 Aliud cecidit inter spinas, et simul exortae spinae suffocauerunt illud.

8 Aliud cecidit in terram bonam et ortum fecit fructum centuplum’. Haec dicens clamabat: ‘Qui habet aures ad audiendum, audito’.

9 Interrogabant autem eum discipuli eius, quae esset haec collatio.

10 Qui dixit: ‘Uobis datum est nouisse arcana regni Dei, ceteris autem hoc fit in collationibus, ut aspicientes non uideant et audientes non intellegant.

11 Haec autem est collatio: Semen est uerbum Dei.

12 Ei uero, qui [ceciderunt] secus uiam, sunt ei, qui audiunt; deinde uenit diabolus et tollit uerbum e corde eorum, ne saluentur, cum crediderint.

13 Ei autem, qui [ceciderunt] super petram, [sunt] ei, qui cum audiuerint, cum gaudio suscipiunt uerbum. Hi radices non habent; qui ad tempus credunt, et in tempore tentationis recedunt.

14 Id uero, quod in spinas cecidit, sunt ei, qui audiuerunt, et sollicitudinibus et diuitiis et uoluptatibus uitae euntes suffocantur et non ferunt maturos fructus.

15 Id autem, quod in bonam terram [cecidit], sunt ei, qui in corde bono et probo auditum uerbum retinent et fructum ferunt in patientia.

16 Nemo autem lucernam accensam operit uaso uel subtus lectum ponit, sed super candelabrum ponit, ut intrantes uideant lumen.

17 Deest enim quidquam occultum, quod non manifestetur, et absconditum, quod non cognoscatur et in palam ueniat.

18 Ergo uidete, quomodo audiatis. Qui enim habet, ei dabitur; et ab eo, qui non habet, auferetur etiam id, quod putat se habere’.

19 Venerunt autem ad illum mater et fratres eius, et non poterant adire ad eum prae turba.

20 Nuntiatum est ei: ‘Mater tua et fratres tui stant foris uolentes uidere te’.

21 Qui respondens dixit ad eos: ‘Mater mea et fratres mei sunt ei, qui uerbum Dei audiunt et faciunt [illud]’.

22 Factum est autem quodam die, ut ille ascenderet in nauem et discipuli eius. Dixit ad illos: ‘Transfretemus trans lacum’. Ascenderunt.

23 Nauigantibus autem illis, obdormiuit. Descendit procella uenti in lacum, et complebantur [aquâ] et periclitabantur.

24 Cum autem accessissent, expergefecerunt eum dicentes: ‘Praeceptor, praeceptor, perimus!’. Is uero expergefactus increpauit uentum et tempestatem aquae. Cessauerunt et facta est tranquillitas.

25 Dixit autem illis: ‘Vbi est fides uestra?’. Qui timentes mirati sunt dicentes inter se: ‘Quis putas hic est, quia et uentis imperat et aquae, et oboediunt ei?’.

26 Appulerunt autem ad regionem Gerasenorum, quae est contra Galilaeam.

27 Egresso illi in terram, occurrit uir quidam e ciuitate, qui habebat daemonia et iam tempore multo uestimento non induebatur neque in domo manebat, sed in monumentis.

28 Ille ut uidit Iesum, cum clamauisset, procidit ante eum et uoce magna dixit: ‘Quid mihi et tibi est, Iesu, Fili Dei altissimi? Obsecro te, ne me uexaueris’.

29 Praeceperat enim spiritui immundo, ut exiret ex homine. Longo enim tempore arripiebat illum, uinciebatur catenis et custodiebatur compedibus. Eruptis uinculis, agebatur a daemonio in deserta.

30 Interrogauit autem illum Iesus dicens: ‘Quod tibi nomen est?’. Qui dixit: ‘Legio’, quia intrauerant daemonia multa in eum.

31 Rogabant eum, ne imperaret illis, ut in gurgitem irent.

32 Erat autem ibi grex porcorum multorum pascentium in monte; et rogauerunt eum, ut sibi permitteret in illos ingredi; et permisit illis.

33 Exierunt itaque daemonia ex homine et intrauerunt in porcos, et impetu abiit grex per praeceps in lacum et suffocatus est.

34 Quod ut uiderunt factum ei, qui pascebant, fugerunt et nuntiauerunt in ciuitatem et in uillas.

35 Exierunt autem, ut uiderent id, quod factum erat, et uenerunt ad Iesum et inuenerunt sedentem hominem, e quo daemonia exierant, uestitum ac sana mente ad pedes Iesu, et timuerunt.

36 Nuntiauerunt autem illis ei, qui uiderant, quomodo sanatus esset is, qui a daemonio erat uexatus.

37 Rogauerunt eum omnis multitudo regionis Gerasenorum, ut discederet a se, quia timore magno tenebantur. Is autem, cum ascendisset nauem reuersus est.

38 Rogabat eum uir, e quo daemonia exierant, ut cum eo esset. Dimisit autem eum dicens:

39 ‘Redi domum tuam et narrato, quam multa tibi fecerit Deus’. Abiit per uniuersam ciuitatem praedicans, quam multa sibi fecisset Iesus.

40 Cum autem rediret Iesus, excepit illum turba: erant enim omnes exspectantes eum.

41 Ecce uenit uir, cui nomen Iairus, et ille princeps con gregationis erat, et cecidit ad pedes Iesu rogans eum, ut intraret in domum suam,

42 quia filia unigenita erat illi fere annorum duodecim, et haec moriebatur. Cum iret, comprimebatur a turbis.

43 Mulier quaedam erat in fluxu sanguinis iam annis duodecim, quae in medicos erogauerat omnem substantiam suam nec ab ullo curari potuit.

44 Accessit retro et tetigit fimbriam uestimenti eius, et confestim stetit fluxus sanguinis eius.

45 Dixit Iesus: ‘Quis est, qui me tetigit?’. Negantibus autem omnibus, dixit Petrus: ‘Praeceptor, turbae te comprimunt et affligunt’.

46 Iesus autem dixit: ‘Tetigit me aliquis; nam et ego noui uirtutem exiuisse e me’.

47 Cum autem uidisset mulier rem non latuisse, tremens uenit et ut procidit ante eum, indicauit coram omni populo, quam ob causam tetigisset eum et quemadmodum confestim sanata esset.

48 Is uero dixit illi: ‘Filia, fides tua saluauit te. Vade in pace’.

49 Adhuc illo loquente, uenit quidam e domo principis congregationis dicens: ‘Mortua est filia tua; noli amplius uexare magistrum’.

50 Iesus autem, audito hoc uerbo, respondit ei: ‘Noli timere; solum credito, et salua erit’.

51 Cum autem uenisset domum, non permisit quemquam intrare secum, nisi Petrum et Ioannem et Iacobum et patrem puellae et matrem.

52 Flebant autem omnes et plangebant illam. Qui dixit: ‘Nolite flere: non enim est mortua, sed dormit’.

53 Deridebant eum scientes eam esse mortuam.

54 Ille autem prehensa manu eius, clamauit dicens: ‘Puella, surge!’.

55 Reuersus est spiritus eius, et surrexit continuo; et iussit illi dare quod ederet.

56 Stupuerunt parentes eius, quibus praecepit, ne cui dicerent id, quod factum erat.

Scripsit fr.Benedictus Huculak OFM -Editum fuit 20/04/2019 19h02

EVANGELIUM SECUNDUM LUCAM (cap.XXIV)
EVANGELIUM SECUNDUM LUCAM (XXIII)
EVANGELIUM SECUNDUM LUCAM (XXII)
EVANGELIUM SECUNDUM LUCAM (XXI)
EVANGELIUM SECUNDUM LUCAM (XX)
EVANGELIUM SECUNDUM LUCAM (Cap.XIX)
EVANGELIUM SECUNDUM LUCAM (XVIII)
EVANGELIUM SECUNDUM LUCAM (XIV)
EVANGELIUM SECUNDUM LUCAM (XVII)
EVANGELIUM SECUNDUM LUCAM (Cap. XVI)
EVANGELIUM SECUNDUM LUCAM (Cap.XV)
EVANGELIUM SECUNDUM LUCAM (Cap. XIII)
EVANGELIUM SECUNDUM LUCAM (XII)
EVANGELIUM SECUNDUM LUCAM (cap.XI)
EVANGELIUM SECUNDUM LUCAM (X)
EVANGELIUM SECUNDUM LUCAM (cap.IX)
EVANGELIUM SECUNDUM LUCAM (Cap.7)
EVANGELIUM SECUNDUM LUCAM (cap.6)
EVANGELIUM SECUNDUM LUCAM (V)
EVANGELIUM SECUNDUM LUCAM (4)
EVANGELIUM SECUNDUM LUCAM (cap.3)
EVANGELIUM SECUNDUM LUCAM (Cap.2)
EVANGELIUM SECUNDUM LUCAM (Cap.1)
EVANGELIUM SECUNDUM MARCUM (cap.16)
EVANGELIUM SECUNDUM MARCUM (Cap.15)
EVANGELIUM SECUNDUM MARCUM (Cap.14)
EVANGELIUM SECUNDUM MARCUM (CAP.13)
EVANGELIUM SECUNDUM MARCUM (cap.12)
EVANGELIUM SECUNDUM MARCUM (cap.11)
EVANGELIUM SECUNDUM MARCUM
EVANGELIUM SECUNDUM MARCUM (capitulum 9)
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
LITTERAE AD TIMOTHEUM PRIORES
LITTERAE AD TIMOTHEUM PRIORES
SANCTI FRANCISCI ITINERARIVM (XI)
SANCTI FRANCISCI ITINERARIVM (X)
SANCTI FRANCISCI ITINERARIVM (IX)
SANCTI FRANCISCI ITINERARIVM (VII)
SANCTI FRANCISCI ITINERARIVM (VI)
SANCTI FRANCISCI ITINERARIVM (V)
SANCTI FRANCISCI ITINERARIVM (IV)
SANCTI FRANCISCI ITINERARIVM (III)
SANCTI FRANCISCI ITINERARIVM (II)
SANCTI FRANCISCI ITINERARIVM
SANCTVS FRANCISCVS (XXV)
SANCTUS FRANCISCUS (XXIV)
SANCTVS FRANCISCVS [XXIII]
SANCTVS FRANCISCVS [XXII]
SANCTVS FRANCISCVS [XXI]
DE VITA SANCTI FRANCISCI
SANCTUS FRANCISCUS (XIX)
Sanctus Franciscus (XVIII)
Sanctus Franciscus (XVII)
Vita sancti Francisci
Vita sancti Francisci
Sancti Francisci vita
Biographia sancti Francisci (13)
SANCTVS FRANCISCVS (12)
SANCTVS FRANCISCVS
SANCTVS FRANCISCVS (10)
De sancto Francisco (9)
SANCTVS FRANCISCVS (8)
SANCTVS FRANCISCVS iuxta 'Floretum'
SANCTVS FRANCISCVS (6)
SANCTVS FRANCISCVS (5)
SANCTVS FRANCISCVS
SANCTVS FRANCISCVS
SANCTVS FRANCISCVS (2)
SANCTVS FRANCISCVS
Pius V Papa
Fidelis Suevus
PATRICIVS HIBERNICVS
MARCELLVS ROMANVS
AMBROSIVS MEDIOLANENSIS
Franciscus Borgias
STEPHANVS HVNGARORVM REX
BLASIVS ARMENVS
GEORGIUS EQUES
GERTRVDIS SAXONA
IOSAPHAT KVNCEWICZ
FAVSTINA KOWALSKA
Anselmus Cantuariensis
Dorothea Cappadox
PHILIPPVS NERIVS
MARCVS EVANGELISTA
Hieronymus
TERESIA BENEDICTA A CRVCE
Boethius
HILARIVS PICTAVIENSIS
GREGORIVS VII
Petrus Chrysologus
CYRILLVS IEROSOLYMITANVS
Augustinus alter
Frater Nicolaus
Papa Cornelius
Fabianus papa
Iosephus Sebastianus Pelczar
Leo III
Editha Angla
Catharina Sveta
Gregorius Magnus
Venceslaus Bohemus
Sancta Philomena
Miles Expeditus
Eustathius Antiochenus
Hubertus Leodiensis
Sancta Ludmila Bohema
Thomas Morus
Thomas Anglonormannus
Alcuinus Anglus
Beda Venerabilis
Victor Papa
Ferdinandus Castellanus
Carolus Boromeus
Bonifatius Anglus
Sancta Agnes Assisiensis
Nilus Roscianus
Margarita Scotica
Leo Magnus
Ephraem Syrus
Nicolaus Myranus
Heduigis regina Poloniae
Benedictus Francus
Sanctus Georgius martyr
Ludovicus Tolosianus
Ioannes a Deo
Ioanna Valesia
Sanctus Antonius abbas
Leopoldus Babenbergensis
Margarita Cortonensis
Saba abbas
Petrus Rauennas
Teresia Abulensis
Ioannes Cassianus
Angela Mericia
Ludovicus IX rex
Helena Augusta
Rosa Limana
Hormisdas Latinus
Ioannes Chrysostomus
Margarita Burgunda
Olympia Constantinopolitana
Genovefa Franca