Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

SCRIPTA BENEDICTI HUCULAK OFM

Frater Benedictus Huculak OFM multa in Ephemeridem scripsit de vitis sanctorum, de aliisque rebus biblicis, et etiam versionem Latinam suam (magis "classicam") composuit evangeliorum secundum Marcum et Lucam, sub rubricis "Sanctus" et "Scholastica". Ecce "Sanctus 1"

 

EVANGELIUM SECUNDUM LUCAM (Cap.VII)

VII. Cum autem impleuisset omnia uerba sua in aures populi, intrauit Capharnaum.

2 Centurionis autem cuiusdam seruus male habens erat moriturus, qui illi pretiosus erat.

3 Cum audiuisset de Iesu, misit ad eum seniores Iudaeorum rogans eum, ut ueniret et saluaret seruum suum.

4 Illi uero, cum uenissent ad Iesum, rogabant eum sollicite dicentes: ‘Dignus est, cui hoc praestes:

5 diligit enim gentem nostram et congregationem ille aedificauit nobis’.

6 Iesus autem ibat cum illis. Cum uero iam esset non longe a domo, misit centurio amicos dicens ei: ‘Domine, noli uexari: non enim dignus sum, ut intres sub tectum meum.

7 Propterea ne meipsum quidem arbitratus sum idoneum, qui uenirem ad te; sed dic uerbo, et sanetur puer meus.

8 Nam et ego homo sum sub potestate constitutus, habens sub me milites; et dico huic: ‹Vade›, et uadit; et alii: ‹Veni›, et uenit; et seruo meo: ‹Fac hoc›, et facit’.

9 Quo audito, Iesus miratus est eum et conuersus sequentibus se turbis dixit: ‘Dico uobis, ne in Israel quidem tantam fidem inueni!’.

10 Reuersi ei, qui missi erant, domum, inuenerunt seruum sanum.

11 Factum est, ut deinceps abiret in ciuitatem, quae uocatur Naim; et ibant cum eo discipuli eius et turba copiosa.

12 Cum autem appropinquaret portae ciuitatis, ecce defunctus efferebatur filius unigenitus matri suae; et haec uidua erat, et turba ciuitatis satis multa cum illa.

13 Cum eam uidisset Dominus, misericordia motus super ea dixit ei: ‘Noli flere!’.

14 Accessit et tetigit loculum – ei uero, qui portabant, steterunt – et dixit: ‘Adulescens, tibi dico: Surge!’.

15 Resedit is, qui erat mortuus, et coepit loqui; et dedit illum matri eius.

16 Sumpsit autem omnes timor, et magnificabant Deum dicentes: ‘Vates magnus surrexit inter nos’ et ‘Deus uisitauit populum suam’.

17 Exiit hoc uerbum de illo in uniuersam Iudaeam et in omnem regionem circumiacentem.

18 Nuntiauerunt Ioanni discipuli eius de his omnibus.

19 Aduocauit duos e discipulis suis Ioannes et misit ad Dominum dicens: ‘Tune es is, qui uenturus est, an alium exspectamus?’.

20 Cum autem uenissent ad eum uiri, dixerunt: ‘Ioannes immersor misit nos ad te dicens: ‹Tune es is, qui uenturus es, an alium exspectamus?›’.

21 Eadem hora curauit multos [liberans] languoribus et plagis et spiritibus malis et caecis multis donauit uisum.

22 Respondens dixit illis: ‘Profecti renuntiate Ioanni ea, quae uidistis et audiuistis: caeci uident, claudi ambulant, leprosi mundantur et surdi audiunt, mortui resurgunt, pauperibus fauste nuntiatur;

23 et beatus est, qui non afficiatur flagitio de me’.

24 Cum discessissent nuntii Ioannis, coepit dicere de Ioanne ad turbas: ‘Quid existis, ut uideretis, in desertum? Arundinem uento moueri?

25 Sed quid existis, ut uideretis? Hominem mollibus uestimentis indutum? Ecce qui in ueste pretiosa sunt et deliciis, ei in domibus regum sunt.

26 Sed quid existis, ut uideretis? Vatem? Vtique, dico uobis, et plus quam uatem.

27 Hic est, de quo scriptum est: ‹Ecce mitto nuntium meum ante faciem tuam, qui praeparabit uiam tuam ante te›.

28 Dico uobis: Inter natos mulierum nemo est maior Ioanne; qui tamen minor est in regno Dei, maior est illo.

29 Omnis populus, cum audiuisset, et publicani iustificauerunt Deum, immersi Ioannis immersione;

30 pharisaei tamen et legisperiti spreuerunt consilium Dei in semet, non immersi ab illo.

31 Ergo cui similes dicam homines generationis huius, et cui similes sunt?

32 Similes sunt puerulis sedentibus in foro et acclamantibus inter se; qui dicunt: ‹Cantauimus uobis tibiis, et non saltauistis; lamentauimus, et non plorauistis!›.

33 Venit enim Ioannes immersor nec comedens panem nec bibens uinum, et dicitis: ‹Daemonium habet!›;

34 uenit [autem] Filius hominis comedens et bibens, et dicitis: ‹Ecce homo deuorator et bibens uinum, amicus portitorum et peccatorum!›.

35 Iustificata est [tamen] sapientia ab omnibus filiis suis’.

36 Rogabat autem eum quidam e pharisaeis, ut ederet secum; et ingressus domum pharisaei discubuit.

37 Ecce mulier, quae erat peccatrix in ciuitate, cum cognouisset eum accubuisse in domo pharisaei, attulit alabastrum unguenti;

38 et cum stetisset retro secus pedes eius, flens lacrimis coepit rigare pedes eius et capillis capitis sui tergebat, et osculabatur pedes eius et unguento ungebat.

39 Videns autem pharisaeus, qui uocauerat eum, dixit intra se dicens: ‘Hic, si esset uates, sciret utique, quae et qualis sit mulier, quae tangit eum: eam [nempe] esse peccatricem’.

40 Respondens Iesus dixit ad illum: ‘Simon, habeo tibi aliquid dicendum’. Qui dixit: ‘Magister, dic’.

41 ‘Duo debitores erant cuidam feneratori: unus debebat denarios quingentos, alter quinquaginta.

42 Non habentibus illis, unde redderent, donauit utrique. Ergo uter illorum plus diliget eum?’.

43 Respondens Simon dixit: ‘Assumo eum, cui plus donauit’. Qui dixit illi: ‘Recte iudicasti’.

44 Conuersus ad mulierem, dixit Simoni: ‘Nonne uidesne hanc mulierem? Intraui in domum tuam: aquam pedibus meis non dedisti; haec autem lacrimis rigauit pedes meos et capillis suis tersit.

45 Osculum mihi non dedisti, haec autem, ex quo intraui, non cessauit osculari pedes meos.

46 Oleo caput meum non unxisti; haec autem unguento unxit pedes meos.

47 Propterea dico tibi: Remissa sunt peccata eius multa, quoniam dilexit multum. Cui autem minus dimittitur, is minus diligit’.

48 Dixit autem ad illam: ‘Remissa sunt peccata tua’.

49 Coeperunt intra se dicere ei, qui simul accumbebant: ‘Quis est hic, qui etiam peccata dimittit?’.

50 Dixit autem ad mulierem: ‘Fides tua te saluauit; uade in pace!’.

Scripsit fr.Benedictus Huculak OFM -Editum fuit 04/04/2019 14h56

EVANGELIUM SECUNDUM LUCAM (cap.XXIV)
EVANGELIUM SECUNDUM LUCAM (XXIII)
EVANGELIUM SECUNDUM LUCAM (XXII)
EVANGELIUM SECUNDUM LUCAM (XXI)
EVANGELIUM SECUNDUM LUCAM (XX)
EVANGELIUM SECUNDUM LUCAM (Cap.XIX)
EVANGELIUM SECUNDUM LUCAM (XVIII)
EVANGELIUM SECUNDUM LUCAM (XIV)
EVANGELIUM SECUNDUM LUCAM (XVII)
EVANGELIUM SECUNDUM LUCAM (Cap. XVI)
EVANGELIUM SECUNDUM LUCAM (Cap.XV)
EVANGELIUM SECUNDUM LUCAM (Cap. XIII)
EVANGELIUM SECUNDUM LUCAM (XII)
EVANGELIUM SECUNDUM LUCAM (cap.XI)
EVANGELIUM SECUNDUM LUCAM (X)
EVANGELIUM SECUNDUM LUCAM (cap.IX)
EVANGELIUM SECUNDUM LUCAM (VIII)
EVANGELIUM SECUNDUM LUCAM (cap.6)
EVANGELIUM SECUNDUM LUCAM (V)
EVANGELIUM SECUNDUM LUCAM (4)
EVANGELIUM SECUNDUM LUCAM (cap.3)
EVANGELIUM SECUNDUM LUCAM (Cap.2)
EVANGELIUM SECUNDUM LUCAM (Cap.1)
EVANGELIUM SECUNDUM MARCUM (cap.16)
EVANGELIUM SECUNDUM MARCUM (Cap.15)
EVANGELIUM SECUNDUM MARCUM (Cap.14)
EVANGELIUM SECUNDUM MARCUM (CAP.13)
EVANGELIUM SECUNDUM MARCUM (cap.12)
EVANGELIUM SECUNDUM MARCUM (cap.11)
EVANGELIUM SECUNDUM MARCUM
EVANGELIUM SECUNDUM MARCUM (capitulum 9)
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
LITTERAE AD TIMOTHEUM PRIORES
LITTERAE AD TIMOTHEUM PRIORES
SANCTI FRANCISCI ITINERARIVM (XI)
SANCTI FRANCISCI ITINERARIVM (X)
SANCTI FRANCISCI ITINERARIVM (IX)
SANCTI FRANCISCI ITINERARIVM (VII)
SANCTI FRANCISCI ITINERARIVM (VI)
SANCTI FRANCISCI ITINERARIVM (V)
SANCTI FRANCISCI ITINERARIVM (IV)
SANCTI FRANCISCI ITINERARIVM (III)
SANCTI FRANCISCI ITINERARIVM (II)
SANCTI FRANCISCI ITINERARIVM
SANCTVS FRANCISCVS (XXV)
SANCTUS FRANCISCUS (XXIV)
SANCTVS FRANCISCVS [XXIII]
SANCTVS FRANCISCVS [XXII]
SANCTVS FRANCISCVS [XXI]
DE VITA SANCTI FRANCISCI
SANCTUS FRANCISCUS (XIX)
Sanctus Franciscus (XVIII)
Sanctus Franciscus (XVII)
Vita sancti Francisci
Vita sancti Francisci
Sancti Francisci vita
Biographia sancti Francisci (13)
SANCTVS FRANCISCVS (12)
SANCTVS FRANCISCVS
SANCTVS FRANCISCVS (10)
De sancto Francisco (9)
SANCTVS FRANCISCVS (8)
SANCTVS FRANCISCVS iuxta 'Floretum'
SANCTVS FRANCISCVS (6)
SANCTVS FRANCISCVS (5)
SANCTVS FRANCISCVS
SANCTVS FRANCISCVS
SANCTVS FRANCISCVS (2)
SANCTVS FRANCISCVS
Pius V Papa
Fidelis Suevus
PATRICIVS HIBERNICVS
MARCELLVS ROMANVS
AMBROSIVS MEDIOLANENSIS
Franciscus Borgias
STEPHANVS HVNGARORVM REX
BLASIVS ARMENVS
GEORGIUS EQUES
GERTRVDIS SAXONA
IOSAPHAT KVNCEWICZ
FAVSTINA KOWALSKA
Anselmus Cantuariensis
Dorothea Cappadox
PHILIPPVS NERIVS
MARCVS EVANGELISTA
Hieronymus
TERESIA BENEDICTA A CRVCE
Boethius
HILARIVS PICTAVIENSIS
GREGORIVS VII
Petrus Chrysologus
CYRILLVS IEROSOLYMITANVS
Augustinus alter
Frater Nicolaus
Papa Cornelius
Fabianus papa
Iosephus Sebastianus Pelczar
Leo III
Editha Angla
Catharina Sveta
Gregorius Magnus
Venceslaus Bohemus
Sancta Philomena
Miles Expeditus
Eustathius Antiochenus
Hubertus Leodiensis
Sancta Ludmila Bohema
Thomas Morus
Thomas Anglonormannus
Alcuinus Anglus
Beda Venerabilis
Victor Papa
Ferdinandus Castellanus
Carolus Boromeus
Bonifatius Anglus
Sancta Agnes Assisiensis
Nilus Roscianus
Margarita Scotica
Leo Magnus
Ephraem Syrus
Nicolaus Myranus
Heduigis regina Poloniae
Benedictus Francus
Sanctus Georgius martyr
Ludovicus Tolosianus
Ioannes a Deo
Ioanna Valesia
Sanctus Antonius abbas
Leopoldus Babenbergensis
Margarita Cortonensis
Saba abbas
Petrus Rauennas
Teresia Abulensis
Ioannes Cassianus
Angela Mericia
Ludovicus IX rex
Helena Augusta
Rosa Limana
Hormisdas Latinus
Ioannes Chrysostomus
Margarita Burgunda
Olympia Constantinopolitana
Genovefa Franca