Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

SCRIPTA BENEDICTI HUCULAK OFM

Frater Benedictus Huculak OFM multa in Ephemeridem scripsit de vitis sanctorum, de aliisque rebus biblicis, et etiam versionem Latinam suam (magis "classicam") composuit evangeliorum secundum Marcum et Lucam, sub rubricis "Sanctus" et "Scholastica". Ecce "Sanctus 1"

 

Saba abbas

Saba abbas

Romae, in colle Auentino minore, qui situs est prope thermas Caracallae, conditum est monasterium saeculo fere octauo, qui plurimum uiguit postquam multi monachi orientales transierant in Occidentem ob persecutiones, quas illis multisque aliis mouerat imperator Byzantinus oppugnans cultum sacrarum imaginum (eikonoklasmos).

Ipse autem Saba natus est Mutulascae, prope Caesaream Cappadociae (hodiernam Kayseri in Turcia), anno quadringentesimo undequadragesimo (439) in familia cuiusdam officialis exercitûs imperialis. Patre autem translato in longinqua castra, ille adhuc puerulus educabatur a consanguineis. Octo autem annos natus transiit in monasterium, ut esset oblatus seu futurus candidatus uitae claustralis.

Anno quadringentesimo quinquagesimo septimo (457), itaque iam adulescens annorum undeuiginti, Saba profectus est Ierosolymam, desiderans uiuere in praeclaro monasterio condito a sancto Passarione. Verumtamen illo tempore monachi ibi affecti erant monophysitismo, quae sententia diuulgata erat maxime in regionibus Antiochiae, Ierosolymae, Alexandriae. Qua de causa ille, superiorum permissu, contulit se ad mare Mortuum, ut illic habitaret solitarius et diebus tantum Dominicis rediret in claustrum, ut liturgiae interesset.

Compluribus tamen annis postea reuersus Ierosolymam, consedit apud riuum Cedron, ubi ad eum adiungere se coeperunt iuuenes desiderantes illo duce fieri monachi. Ideo conditum est Magnum claustrum (Laura), in cuius medio templum eleuatum est. Illo tempore Saba sacerdos ordinatus est.

Crescente autem numero aspirantium ad uitam Deo consecratam, Saba condidit sex alias lauras, octo minora claustra triaque hospitia pro peregrinis. In illis uelut coloniis monasticis hoc peculiare fuit, quod earum singulas ingredi poterant iuuenes diuersarum nationum et linguarum. Vnusquisque autem coetus culturalis proprium habebat praefectum et proprium sacellum, ubi cotidie linguâ suâ liturgiam persolueret. Solis enim diebus Dominicis et festis omnes fratres unâ congregabantur in templo ad liturgiam celebrandam Graece. Curam autem supremam de uniuersis habuit Saba abbas usque ad mortem, quam obiit anno quingentesimo tricesimo secundo (532) – itaque annum agens nonagesimum quartum, in suo claustro prope Ierosolymam sito. In illud autem – scitu dignum est – post annos fere ducentos ingredietur Arabs Damascenus nomine Ioannes, qui fiet unus e maximis theologis orientalibus simulque censebitur ultimus Ecclesiae pater linguae Graecae.

Magna sunt Sabae merita etiam in tuenda re dogmatica, qui bis strenue defendit fidem catholicam de Iesu Christo definitam in concilio Chalcedonensi (451) contra monophysitas, etiam itinere suscepto Constantinopolim, ut imperatorem hortaretur ad promouendam rem Chalcedonensem. – Saba pertinet ad numerum excellentiorum magistrorum uitae monasticae in totis Ecclesiae rebus gestis

Scripsit Fr. Benedictus Huculak OFM -Editum fuit 25/10/2007 21h12

EVANGELIUM SECUNDUM LUCAM (cap.XXIV)
EVANGELIUM SECUNDUM LUCAM (XXIII)
EVANGELIUM SECUNDUM LUCAM (XXII)
EVANGELIUM SECUNDUM LUCAM (XXI)
EVANGELIUM SECUNDUM LUCAM (XX)
EVANGELIUM SECUNDUM LUCAM (Cap.XIX)
EVANGELIUM SECUNDUM LUCAM (XVIII)
EVANGELIUM SECUNDUM LUCAM (XIV)
EVANGELIUM SECUNDUM LUCAM (XVII)
EVANGELIUM SECUNDUM LUCAM (Cap. XVI)
EVANGELIUM SECUNDUM LUCAM (Cap.XV)
EVANGELIUM SECUNDUM LUCAM (Cap. XIII)
EVANGELIUM SECUNDUM LUCAM (XII)
EVANGELIUM SECUNDUM LUCAM (cap.XI)
EVANGELIUM SECUNDUM LUCAM (X)
EVANGELIUM SECUNDUM LUCAM (cap.IX)
EVANGELIUM SECUNDUM LUCAM (VIII)
EVANGELIUM SECUNDUM LUCAM (Cap.7)
EVANGELIUM SECUNDUM LUCAM (cap.6)
EVANGELIUM SECUNDUM LUCAM (V)
EVANGELIUM SECUNDUM LUCAM (4)
EVANGELIUM SECUNDUM LUCAM (cap.3)
EVANGELIUM SECUNDUM LUCAM (Cap.2)
EVANGELIUM SECUNDUM LUCAM (Cap.1)
EVANGELIUM SECUNDUM MARCUM (cap.16)
EVANGELIUM SECUNDUM MARCUM (Cap.15)
EVANGELIUM SECUNDUM MARCUM (Cap.14)
EVANGELIUM SECUNDUM MARCUM (CAP.13)
EVANGELIUM SECUNDUM MARCUM (cap.12)
EVANGELIUM SECUNDUM MARCUM (cap.11)
EVANGELIUM SECUNDUM MARCUM
EVANGELIUM SECUNDUM MARCUM (capitulum 9)
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
EVANGELIUM SECUNDUM MARCUM
LITTERAE AD TIMOTHEUM PRIORES
LITTERAE AD TIMOTHEUM PRIORES
SANCTI FRANCISCI ITINERARIVM (XI)
SANCTI FRANCISCI ITINERARIVM (X)
SANCTI FRANCISCI ITINERARIVM (IX)
SANCTI FRANCISCI ITINERARIVM (VII)
SANCTI FRANCISCI ITINERARIVM (VI)
SANCTI FRANCISCI ITINERARIVM (V)
SANCTI FRANCISCI ITINERARIVM (IV)
SANCTI FRANCISCI ITINERARIVM (III)
SANCTI FRANCISCI ITINERARIVM (II)
SANCTI FRANCISCI ITINERARIVM
SANCTVS FRANCISCVS (XXV)
SANCTUS FRANCISCUS (XXIV)
SANCTVS FRANCISCVS [XXIII]
SANCTVS FRANCISCVS [XXII]
SANCTVS FRANCISCVS [XXI]
DE VITA SANCTI FRANCISCI
SANCTUS FRANCISCUS (XIX)
Sanctus Franciscus (XVIII)
Sanctus Franciscus (XVII)
Vita sancti Francisci
Vita sancti Francisci
Sancti Francisci vita
Biographia sancti Francisci (13)
SANCTVS FRANCISCVS (12)
SANCTVS FRANCISCVS
SANCTVS FRANCISCVS (10)
De sancto Francisco (9)
SANCTVS FRANCISCVS (8)
SANCTVS FRANCISCVS iuxta 'Floretum'
SANCTVS FRANCISCVS (6)
SANCTVS FRANCISCVS (5)
SANCTVS FRANCISCVS
SANCTVS FRANCISCVS
SANCTVS FRANCISCVS (2)
SANCTVS FRANCISCVS
Pius V Papa
Fidelis Suevus
PATRICIVS HIBERNICVS
MARCELLVS ROMANVS
AMBROSIVS MEDIOLANENSIS
Franciscus Borgias
STEPHANVS HVNGARORVM REX
BLASIVS ARMENVS
GEORGIUS EQUES
GERTRVDIS SAXONA
IOSAPHAT KVNCEWICZ
FAVSTINA KOWALSKA
Anselmus Cantuariensis
Dorothea Cappadox
PHILIPPVS NERIVS
MARCVS EVANGELISTA
Hieronymus
TERESIA BENEDICTA A CRVCE
Boethius
HILARIVS PICTAVIENSIS
GREGORIVS VII
Petrus Chrysologus
CYRILLVS IEROSOLYMITANVS
Augustinus alter
Frater Nicolaus
Papa Cornelius
Fabianus papa
Iosephus Sebastianus Pelczar
Leo III
Editha Angla
Catharina Sveta
Gregorius Magnus
Venceslaus Bohemus
Sancta Philomena
Miles Expeditus
Eustathius Antiochenus
Hubertus Leodiensis
Sancta Ludmila Bohema
Thomas Morus
Thomas Anglonormannus
Alcuinus Anglus
Beda Venerabilis
Victor Papa
Ferdinandus Castellanus
Carolus Boromeus
Bonifatius Anglus
Sancta Agnes Assisiensis
Nilus Roscianus
Margarita Scotica
Leo Magnus
Ephraem Syrus
Nicolaus Myranus
Heduigis regina Poloniae
Benedictus Francus
Sanctus Georgius martyr
Ludovicus Tolosianus
Ioannes a Deo
Ioanna Valesia
Sanctus Antonius abbas
Leopoldus Babenbergensis
Margarita Cortonensis
Petrus Rauennas
Teresia Abulensis
Ioannes Cassianus
Angela Mericia
Ludovicus IX rex
Helena Augusta
Rosa Limana
Hormisdas Latinus
Ioannes Chrysostomus
Margarita Burgunda
Olympia Constantinopolitana
Genovefa Franca