NUNTII

NUNTIUS HELVETICUS

De Helvetiorum comitiis

Helvetiorum comitia hodie habita exitum suum iam manifestaverunt: factio conservativa nationalisticaque, cui 'Unitas democratica centralis' nomen est, Parlamenti tertiam ferme partem, quae sellis LXI constat octoque senatoribus maior priore est, consequi potuit. Socialistica cum pars subselliorum XLI adepta est, Oecologistarum tum factio, quae 'Viridum' nuncupatur, senatorum numerum ampliorem amisit. Pars illa conservativa, per Marcum Chiesa recta, migrantes ad Helvetiorum terram accessum, postquam civium milionum X numerus attingetur, quod anno MML factum iri pronuntiavit, constitutionis inmutatione se impedituram pollicita est ideoque palmam obtinuisse videtur.

Scripsit Andreas Novocomensis - 22/10/2023 21h06

---

HENRICUS KISSINGER MORTUUS EST
CASUS IAPONICUS
AERONAVIUM PETITIONES
DE COMITIIS ARGENTINIS
NUNTIUS AB HIBERIA
RENOVATIO BRITANNICA
PETITIO HIBERICA
CALAMITAS TUSCANICA
INCENDIUM PERSICUM
TURBO MEXICANUS