NUNTII

MAXIMA CONTENTIO IN MEDIO ORIENTI

 

Duplex impetus Israelianus

Triduo post caedem duodecim puerorum  Drusorum, gentis Arabis- Israelianae  in iugo Golan habitantis, a.d. III Kal. Aug. ultio Israelis contra gregem Hezbollah orta est:  diruptio effecta in medio Berito percussit milites Siitas Iraniae fautores. Necatus est  adiutor ducis Hassan Nasrallah, Fuad Shukr,  auctor habitus caedis  puerorum et  civilium Israelis magno numero: petitio  periculum progredientis actionis bellicae auget, quamvis, ut videtur, bellum in Libanum ab Israelianis non fiat.

Sed alterum facinus contigit caput Iranianum Teheran: pridie Kalendas Augustas obiit dux politicus gregis Hamas Ismail Haniyeh ob pyrobolum domi suae clam insertum. Ut relatum est actis Novi Eboraci (New York Times), instrumentum explosivum  duo menses in aedibus  defensis a custodibus regiminis Islamaci  abditum mansit. Dux Supremus Iraniae (Ayatollah) Ali Khamenei imperavit ut incursus in Israel aperte fieret.  Consilium Ordinis Nationum Unitarum festinanter convocatum est: periculum est ne flamma bellica patescat in excruciatis  regionibus Medii Orientis.  

Scripsit Lydia Ariminensis - 02/08/2024 14h26

---

INCENDIUM AMERICANUM
DE IOSEPHO BIDEN
PETITIO IN DONALDUM
EXITUS FRANCOGALLICUS
SCHISMATIS REUS
IULIANUS ASSANGE LIBER EST
IOSEPH BIDEN ET DONALDUS TRUMP INTER SE VULGO DISPUTABUNT
NUNTIUS RUSSICUS
QUATTUOR OBSIDES ISRAELIANI LIBERI SUNT
DONALDUS CONVICTUS