ARCHAEOLOGIA

 

               DONUM BACCHI ANTIQUISSIMUM 

                  ...in regione Betica inventum est

                                                        

                                                                                         Spirae lagoena       

Grex archaelogorum Ispanorum Universitatis Cordubae in urna funebri abhinc duo milia annorum posita vinum adhuc liquidum repperit, intra sepulcrum oppidi Carmonis  Andalusiae, antiquissimum ex tota orbe.

Exitus analysis chemicae  effectae editus est in “Diarium Scientiae Archaeologicae:acta” (Journal Archaelogical Science: reports). In experimentis variae substantiae organicae inventae sunt, inter quas  septem poliphaenoli qui etiam nunc in vinis regionis Beticae adsunt; cum acidum syringicum deesset vinum album cognitum est.

Inventum Ispanicum magis antiquum est quam lagoena vinaria oppidi Germanici Spirae, in qua periti opinantur vinum esse, recentior aetate, id est  IV saeclo p.C.n. effecta. Bacchicus liquor in sepulcro repertus explanatur more propinquorum hunc condendi cum aqua et melle, ut mortuo ad posteram vitam solacia pararent.

 

 

Scripsit Lydia Ariminensis

---

LITUS HERCULANEI OMNIBUS PATET
THESAURUS MILIUM XXX NUMMORUM IN SARDINIAE MARI REPERTUM EST
DE DOMO TIBERIANA
THEATRUM NERONIS REPERTUM EST
MAGNA STATUA HERCULIS EFFOSSA EST...
INVENTUM MIRISSIMUM IN TUSCIA
Mentula maxima in Hispania detecta est
GALEAE ANTIQUISSIMAE PUGNAE INVENTAE SUNT