Martis die 25 mensis Junii 2024

NUNTII

DONALDUS CONVICTUS

Nuntius Boreoamericanus

Donaldus Trump, qui praedecessor proximus fuit praesidis hodierni Civitatum Americae Foederatarum Iosephi Biden et iterum ad praesidatum accedere cupit, quattuor et triginta criminibus ante tribunal Novoëboracense convictus est, quorum caput hoc est, illum haud multo ante comitia praesidalia anni bismillesimi sexti decimi, ex quibus victor evasit, sat magnam pecuniam actrici pornographicae Procellosae ('Stormy') Daniels illegitime solvisse ne haec commercium venereum palam faceret quod idem Donaldus cum ea ante decennium habuisset. Die undecimo mensis Iulii poena Donaldo Trump per sententiam iudicialem imponetur.

Scripsit Marcus Flavius Asiaticus - 03/06/2024 21h07


IOSEPH BIDEN ET DONALDUS TRUMP INTER SE VULGO DISPUTABUNT
NUNTIUS RUSSICUS
QUATTUOR OBSIDES ISRAELIANI LIBERI SUNT
DE PALAESTINA
PRAESES PERSARUM RAISI PERIIT
IUBILAEUM ANNI MMXXV IAM SOLLEMNITER INDICTUM EST
CESSATIO ARGENTINA
NOVA AB UCRAINA
TEMPESTAS TANZANIENSIS
COMMUNIS FOSSA REPERTA