ARCHAEOLOGIA

THEATRUM NERONIS REPERTUM EST

Hic verisimiliter suam faciem histrionalem ostentabat

Romae,  sub domo  Roboris, sede Ordinis Equestris Sancti Sepulcri, quinque metra altae, inventae sunt ab archaeologis, ut videtur,  reliquiae theatri imperatoris Neronis. Columnae cum marmore  variis coloribus, capitella ex alabastrita, folia aurea ad opera tectoria ornanda etiamque  caveae et scaenae  ex cavo emerserunt. Effossiones inceptae sunt ab anno 2020, sub cura archaeologae Daniela Porro. Imaginari licet in hoc theatro intra Hortos  Agrippinae exstructo Neronem lyra cecinisse coram spectatoribus: nam  studiosissimus scaenae artium fuit, se existimavit non solum musicum sed etiam histrionem et poetam. Huius rei testis fuit Suetonius, qui rettulit praeclaram sententiam Neronis morituri: “Qualis artifex pereo!” (Nero, 49)

 

Scripsit Lydia Ariminensis

---

LITUS HERCULANEI OMNIBUS PATET
THESAURUS MILIUM XXX NUMMORUM IN SARDINIAE MARI REPERTUM EST
DE DOMO TIBERIANA
MAGNA STATUA HERCULIS EFFOSSA EST...
INVENTUM MIRISSIMUM IN TUSCIA
Mentula maxima in Hispania detecta est
GALEAE ANTIQUISSIMAE PUGNAE INVENTAE SUNT