Martis die 16 mensis Julii 2024

VETERA

Hic nonnulla olim publicata in versionibus anterioribus Ephemeridis reponemus ut facilius reperiantur a lectoribus.
Infeliciter, nonnulae litterae et alia signa typographica non bene agnoscuntur in novo systemate et sufficiuntur signo � . Ignoscite!

SCRIPTA HISTORICA ET BIBLIOGRAPHICA VICTORII CHIARROCCHI

Victorius Ciarrocchi solebat parvas symbolas historicas scribere in Grege Latine Loquentium, et licentiam nobis benigne dedit textus suos in Ephemeride edendi. Quod fecimus sub rubricis "Historia", "Biographiae" et "Memoranda". Ecce vobis "Historia":

De pugna Isbuscensciana

De pugna Isbuscensciana

Abhinc septuaginta quattuor annos, i. e. die 24 Aug. 1942 anni, prope oppidulum 'Isbuscenskij', quod a Tanai fluvio parum distat, Russos milites inter et Italos equites pugnatum est.

Quod quidem proelium memoratu dignum est maxime quia Russorum militum numerus (circiter duo milia) triplus erat Italorum et quia hi equites in hostes melius armatos incursum fecerunt adeo praecipitem audacioremque, ut de ipso diu mentio in actis diurnis Italicis legi potuerit.

Accedit quod nonnulli Itali milites, qui in Russiam missi erant ut cum Germanis et aliis sociis contra Russos pugnarent, audita illius proelii narratione asuperstitibus relata, eandem saepe in Italia divulgarunt; itaque anno 1952 taeniola cinematographica, incursui supra memorato dicata, impressa est, quae spectatoribus admodum placuit, quoniam Itali, qui multas clades bellicas passi erant, imaginibus et dialogis alliciebantur monstrantibus Italos milites non semper victos e proeliis evasisse. Utique de incursu illo (Anglice: 'charge'; Italice: 'carica') nec false nec rhetorice (quantum legerim) pagina refert haec numeris instructa utilioribus: http://tinyurl.com/hkgzcny.

Paucissimi illius proelii sunt superstites Itali; quos inter est Ianus Carolus Cioffi, nonaginta quinque annos natus,"unus ex ultimis equitibus cohortis 'Sabaudia' vocitatae", sicut legitur in hoc recentissimo colloquio percontativo (Italice: 'intervista'; Anglice: 'interview): http://tinyurl.com/jdopcom.

Scripsit Victorius Ciarrocchi, Italus Pisaurensis -Primum editum fuit 24/08/2016 14h45

In memoriam Francisci Iosephi
Brevis de G. G. Leibniz commemoratio...
De binis cladibus, quas aestate anni 1866 Regnum Italicum accepit
'Magna Carta Libertatum' octingentos annos explevit
De proelio Buvinensi...
De Catharina Aragonensi
De Salvatore Allende...
De bello civili Americano...
De eversione Mexicana 25 Novembris anni 1910 orta...
De proelio Castrificardico...
Alaricus ad portas!
Argentina CC annorum
De Pio Undecimo eiusque pontificatu
Budapest 1956
De Georgii Washington filio mixticio
De clade Aduensi
De proelio Austerlitziensi ( 2 Dec. 1805).