FACETIAE BEBELIANAE
Ab Henrico Bebel (1472-1518)
[21] Facetia de dominatione mulierum[22] DICTUM DOMINI BERNARDI RETZ
Disputavimus aliquando de ordinibus et statibus – ut dicitur – hominum, quam longe universi a suis institutis veterumque probitate recesserint.
Cumque dixissent aliqui rusticos maiori integritate vivere quam ullum aliud hominum genus, subiunxit dominus Bernard Retz, meus hospes, sibi aequissimos videri balneatores, quoniam pauperi ut diviti aequis portionibus calorem in balneo administrarent.
Transcripsit Johannes Knijff