592 (17/10/2026) M40

POESIS

PAGINA POETICA
MAURI PISINI

Poesis diversimode patet


Umbra levior
aestivis in noctibus
videtur esse.

Hamaxostichus
combusti ferri flatum
per rura serit.

Nubila pausant:
vultus harum prospectum
quaerit, fastidit.

Mox, ventus vestes
filis distentas vertit
ad avis echon.

***

Specta: volitant
oculis bene clausis
papiliones.

Cur intercludis
quem suscipis spiritum,
cui frustra maeres?



In his osculis
sensus ad me redeunt
obliti numquam.

***

Nimium pluit,
xyrides parum durant,
aristae marcent.

Pandunt fenestras
odores tiliarum,
pandunt animos.

His petris unum
genistae splendet aurum,
ver autem cessat.

Sole scintillat
herba solstitialis
et aestas fit flos.

---

FRUSTULA
PSYCHICA & BUCOLICA
MVTA SENSVVM LOQUELA
DIARIUM
Ad me ipsum
Esse nihilum
HAICUA PISINIANA
Mutantis naturae indicia
APERTE FATEOR …
SICULI MARIS RECORDATIO
Ad Iosephum Morabito
poetam Latinum inclutum
PSYCHICA ET BUCOLICA