POESIS

De ludis mentis

In somniis praeterita loca vidi,
numquam cognita nec calcata.
Innumerae ibi facies,
in umbra atque
solitarius quidam,
multiplices oculi stabant.
Loca illa nosco,
urbes quasdam fictas,
nusquam revertentes,
dum inexorabile fluit tempus,
obeliscos inter turres sacras
calidum focum inter aridas glebas.
Mihi territo occurrunt
illi oculi ignoti
temporis praeteriti non sensi.
Consimiles comitum oculi fiunt,
nunc solum praesentes
in dulci cordis regione;
actores facientes res non scriptas,
unicas, recitatas voce vitae iterata;
verba, cogitationes, leges
eadem se manifestant,
cum mente creent ficta,
inane spectaculum fallax,
rerum cursu actum renovato.


scripsit Johannes Teresi

---