POESIS

Imaginationes

In somniis praeterita loca vidi,
numquam cognita nec calcata.
Innumerae ibi facies,
in umbra solitarius
quoque quidam,
multiplices oculi inspiciebant.
Loca illa nosco,
urbes quasdam fictas,
se nusquam volventes,
dum inexorabile fluit tempus,
obelisci inter turres sacras
calidus focus inter aridas glebas.
Mihi territo occurrunt
illi oculi ignoti
temporis praeteriti non sensi.
Consimiles comitum oculi fiunt,
nunc solum praesentes
in dulci cordis regione;
actores non scripta agentes,
unicas, recitata voce vitae iterata;
verba, cogitationes, leges
eadem se manifestant,
cum mente creent ficta,
inane spectaculum fallax,
rerum cursu actuumque renovato.


scripsit Johannes Teresi

---