NUNTII

DE PORTORIO HORMUSIANO

Pro transitu pecuniam Irania repetit

Post bellum contra Iraniam  transitus in fretum Hormusianum poteritne fieri pecunia soluta? Irania  quandam solutionem repetit navibus transeuntibus  regno Omaniano socio adiuncto. Hic exitus belli esset sine dubio infelix Civitatibus Unitis, si ad effectum veniret. Fretum Hormusianum simile fieret Panamensis et Souisiani, quorum administratores  sibi cuique navi aquas transgredienti summam exigunt. Sic stantibus rebus aliquis putet Iranianos victores a bello discessisse, sed periculum est ne haec postulatio rursus certamina excitet.

Alteri existimant Civitates Unitas victos esse, sed alteri in lucem proferunt Iraniam et contentionibus internis et difficultatibus oeconomicis et calamitosis petitionibis bellicis valde debilitatam esse. Qua de causa regimen  inter pacis condiciones petivit ut duodecim miliarda bonorum in regno Qatariano custodita liberarentur: dimidia pars, ut videtur, soluta est.

Bellum quadraginta dierum ingentissima damna Iranianis  tulit, qua re maxime interest eorum opes reparare. Vectigal impositum est pecunia toti orbi extorta; ut ait Marcus Rubio, Secretarius Civitatum Unitarum, “telum nucleare oeconomicum”. Tamen verisimiles est  complures societates recusare posse transitum in fretum simulque auxilium petere a Sina quae petroleum Iranianum antea intulit.   Sunt qui putent nihil, post hoc bellum, ut antea, futurum esse.  

 

 

Scripsit Lydia Ariminensis - 01/07/2026 16h32

---

HISPANIA ALTERUM TITULUM CERTAMINIS MUNDIALIS PEDIFOLLIS REPORTAT
DE PRAESENTI CANICULA IN EUROPA: FACTA ET RATIONES
NOVA DE BELLO IN IRANIA
100 DIES CONFLICTUS INTER C.F. ET IRANIA
RUSSIA MAXIMIS ICTIBUS KIOVIAM PETIVIT
DE CONVENTU TRUMP ET XI
CRISIS IN FRETO HORMUZIO
DE MAGNO MUTUO EUROPAEO UCRAINAE CONCESSO
COMITIA IN HUNGARIA NUPER HABITA
RES CAELESTIS