MOHAMMADI ITERUM CONDEMNATA
Non desinit contra ferum regimen luctari
In Irania Narges Mohammadi, quae, cum esset in carcerem inclusa, exornata erat anno MMXXIII praemio Nobeliano de pace, comprehensa est pridie Nonas Decembres, postquam ad breve tempus infirma valetudine dimissa erat. Occasio fuit quod ritui interesset ut memoria revocaretur viri actuosi contra regimen in custodia mortui. Retenta, translata est in carcerem oppidi Mashhad, cum antea data esset terribili custodiae c.n.e. Evin in capite Teheran.
Nuper damnata est septem et sesquianno captivitatis et exilio biennali quod interfuisset nefariorum sodalicio et praeconium contra rem publicam Islamicam fecisset. In toto ei persolvenda est poena quadraginta quattuor annorum. Iam expedit decimum septimum annum, sed etiam si dimitteretur, ei non liceret a patria exire per biennium ut se cum filiis et viro coniungeret.
Tamen sub custodia non desinit cum fero regimine contendere, dum degit in inhumanis condicionibus, sine colloquiis cum familiaribus et patrono, continenter interrogata, vulnerata, curatione medici orbata, quamquam aegra ob cancrum et vulnera allata. Amor libertatis omnia vincit.
Scripsit Lydia Ariminensis - 11/02/2026 15h19
TRUMP PACTUM CUM IRANIA IAM NON QUAERIT: BELLUM SINE FINE?
COLLOQUIA DE PACE UCRAINAE: EUROPA AD MENSAM VOCATA
IMPETUS MISSILIUM IN CORDE RIYADIENSI
Tensiones Inter Civitates Foederatas et Iraniam Crescunt
DE INCURSIONE UCRAINORUM IN PETROPOLIM
GAIUM LICOPPE FATIS CONCESSISSE
DE TUMULTIBUS IN GALLIA ORTIS
DE CONVENTU GENERALI NATIONUM UNITARUM ET DISCRIMINIBUS BELLI
Foedus Transatlanticum et Novae Rationes Inter Europam et Canadam Initiatae
De Tensionibus Crescentibus in Mari Rubro et de Periculis Mercaturae Orbis