NUNTII

  DE INDUTIIS LIBANI       

 

Quies mansura speratur

Ante biduum indutiae in Libano ratae esse coeperunt. Ut ait Minister Primarius Beniaminus Netanyahu, quantum maneant ponitur in iis rebus quae in terra fiant: si grex Hezbollah arma resumat, Israel adorietur, licentiam fortiter pugnandi servans. Netanyahu autem  declaravit se appellationem interponere Tribunali poenali internationali cum mandata dedisset ut ipse Minister Primarius  et prior Administer Defensioni praepositus Yoav Gallant deprehenderentur. Ambo   criminum belli in litore Gazae accusati sunt.   Mandata abrogari poterunt, si iudicibus persuasum erit ut ab Israel diligens investigatio fiat.  
Milia profugorum  ad meridiem redeunt et plurimi ex grege Hezbollah  victoriam celebrant inter ruinas.  Intermissio armorum iam vacillat. Vires defensionis Israelis nuper nuntiaverunt se percussisse in parte Meridionali Libanensi acta suspecta quae minae et violatio indutiarum foederis reputata sunt.
 

Scripsit Lydia Ariminensis - 28/11/2024 22h37

---

EXPULSIO HOMINUM MAXIMA AMERICAE IMMINET. AN NON?
DAMNATIO CAPITIS IRANICA
MEGACYMA OCEANI INDICI XX ANNIS POSTEA RECOLITUR
PETITIO MAGDEBURGENSIS
IGOR KIRILLOV DIRUPTIONE NECATUS EST
DE REBUS SYRIACIS
NUNTIUS AUSTROCOREANUS
VERBA INFESTA
ERDOGAN ADVERSUS ISRAEL
VICIT