NUNTII

ERDOGAN ADVERSUS ISRAEL

Res publica Turcica omnem nexum recusat

Praeses Turcarum Recep Tayyip Erdogan omnem rationem cum Israel intermissam esse nuntiavit ob  continentes petitiones contra litus Gazae effectas. Hoc diurnariis declaravit in itinere aerio ab Arabia Saudita et Azerbaigiania rediens.

Iam mense Maio Ancyrae  commercii intermissionem  cum re publica Israeliana Praeses edixerat neque in posterum rem in melius mutari posse providit. Turcia, ut ait, natio est quae magis quam ceterae immanitati Israelis obstitit: eo usque dum arma Israelianis missa essent, illos quo acrius pugnaturos. In spe esse Praesidem Donaldum Trump aliter acturum esse de Medio Oriente, quamquam aliqui illius nuntii dubitationem afferant.
 

Scripsit Lydia Ariminensis - 14/11/2024 13h37

---

EXPULSIO HOMINUM MAXIMA AMERICAE IMMINET. AN NON?
DAMNATIO CAPITIS IRANICA
MEGACYMA OCEANI INDICI XX ANNIS POSTEA RECOLITUR
PETITIO MAGDEBURGENSIS
IGOR KIRILLOV DIRUPTIONE NECATUS EST
DE REBUS SYRIACIS
NUNTIUS AUSTROCOREANUS
DE INDUTIIS LIBANI
VERBA INFESTA
VICIT