NUNTII

SUNTNE IMMINENTES INDUTIAE IN LITORE GAZAE?

Hoc confirmavit Praeses Ioseph Biden

 

Hesterno die verba Praesidis Boreoamericani  ad bonam spem propensa videbantur: numquam indutias tam propinquas esse. Tamen Sami Abu Zuhri, moderator gregis Hamas,  hanc sententiam existimavit fallacem. Se non animadvertere verum foedus, sed iussum imperiosum Americanorum. Magna cautio ab Israel ostenta est: Minister Primarius Netanyahu affirmavit Israelianos flexibiles esse de aliis condicionibus, de aliis non posse. Ut obsides liberarentur, hoc interesse; praeterea ut Israel tutum esse.

Interea res bellicae in area Gazae non intermittuntur: ob incursiones  aëronauticas nuper XIX perierunt. Simulque radii igniferi a Libano coniecti sunt.

Hodie Pontifex Franciscus rursus in prece Angeli obsecravit pacem pro Palaestina, Israel, Ucraina et omnibus locis bello vexatis.

 

Scripsit Lydia Ariminensis - 18/08/2024 19h36

---

DE ITINERE PAPAE IN INDONESIAM
NUNTIUS FRANCOGALLICUS
MAXIMA CONTENTIO IN MEDIO ORIENTI
INCENDIUM AMERICANUM
DE IOSEPHO BIDEN
PETITIO IN DONALDUM
EXITUS FRANCOGALLICUS
SCHISMATIS REUS
IULIANUS ASSANGE LIBER EST
IOSEPH BIDEN ET DONALDUS TRUMP INTER SE VULGO DISPUTABUNT