NUNTII

 

INFANDA LIBYCA

De sede inhumanae custodiae

In sede Libyca custodiae oppidi Zintan  infanda captivi patiuntur. Magis magisque  phtisi aegri augent ob purgamenta et insecta noxia sparsa. Societas “Medici sine finibus” auxilio est DCLIV inclusis dispensatis medicamentis et vitaminis morbi curationi, eo magis quod dies noctesque coacti degunt et contagio inter eos diffunditur. Locus qui abest CLX kiliometra a capite Tripoli vergens inter meridiem et occidentem solem ob nimiam multitudinem receptam est pessimus aliorum, qua de causa notus est per imagines et taenias visificas, sophotelephonis occulto missas,  documenta condicionis inhumanae qua vivunt qui plerumque migrantes et insontes exstant. Quieta reclamatio  et foedae imagines fecerunt ut  adiuvante consociatione  Ordinis Nationum Unitarum XCVI debiles dimitterentur. Tamen captivi questi sunt de re, cum auxilium postea defuisset, sed homines instituti pro asyli beneficiariis, ut videtur, impediti sunt ne  in illa loca inferna interius inirent.

 

Scripsit Lydia Ariminensis - 09/03/2024 21h30

---

DE ITINERE PAPAE IN INDONESIAM
NUNTIUS FRANCOGALLICUS
SUNTNE IMMINENTES INDUTIAE IN LITORE GAZAE?
MAXIMA CONTENTIO IN MEDIO ORIENTI
INCENDIUM AMERICANUM
DE IOSEPHO BIDEN
PETITIO IN DONALDUM
EXITUS FRANCOGALLICUS
SCHISMATIS REUS
IULIANUS ASSANGE LIBER EST