NUNTII

CAEDES HORRIFICA IN ISRAEL

XL pueri capite praeciso occisi

Territores gregis Hamas ante quinque dies pagum  adorti sunt sedem  societats agricolae  (kibbutz) Kfar Aza ubi  impetum fecerunt a quattuor lateribus  et horrendam stragem perpetraverunt: occisi sunt quadraginta  pueri capite obtruncati, eodem modo nonnullae matres  dormientes, familiae vinctae et postea combustae;  in summa CCIV victimae exstiterunt, ex DCCLXII incolentibus. Hoc in memoriam  interneciones Europae Orientalis saeculi XIX et holocausti immanitatem maeste revocat. Habitantes temptaverunt se quoquo modo defendere sed frustra: territores maiore numero superiores discesserunt. Quidam coniuges gemellam prolem in cista  occultaverunt  in cubiculo tuto posita.  Parentes occubuerunt, sed infantes superstites fuerunt et a propinquis recepti sunt. In toto complures centenae Israeliani perierunt. Toto orbe improbatio praevalet de efferata immanitatate terroristica. Tamen sunt qui reprehendunt rem politicam Ministri Primarii Beniamini Netanyahu quod iura Palaestinorum conculcaverit.

Condicio puerorum Palaestinorum pariter tristissima exstat: in ora Gazae plus quam octingenti occisi sunt, plus quam quattuor milia sauciati. Res magis magisque ingravescit, quia  exercitus Israelis territorium Gazae invasurus est.     

 

 

 

 

Scripsit Lydia Ariminensis - 11/10/2023 20h40

---

HENRICUS KISSINGER MORTUUS EST
CASUS IAPONICUS
AERONAVIUM PETITIONES
DE COMITIIS ARGENTINIS
NUNTIUS AB HIBERIA
RENOVATIO BRITANNICA
PETITIO HIBERICA
CALAMITAS TUSCANICA
INCENDIUM PERSICUM
TURBO MEXICANUS