NUNTII

                 NOVA PETITIO AB ISRAEL

Bellum aërium inter Israelianos et Palaestinos

Nova actio bellica progrediens inter pugnantes Palaestinos et Israelianos  gravior exstitit a mense Augusto superioris anni. Priore nocte Israel rursus impetum fecit missilibus in tractum Gazae et ante lucem  exstinxit Ali Ghali ducem gregis Jihad Palestinae.  Ut videtur,  pars superio aedificii  oppidi Khan Younis, ubi dux Islamicus  abditus latebat aëroplanis bellicis deleta est. Quam necem  manus Islamica al-Quds nuntio vulgato probavit.

Palaestini sua vice D missilia iactaverunt, ex quibus CCCLXVIII in territorium Israelis pervenerunt, CVIII in  Gazae aream ceciderunt. Auctoritates Palaestinae nuntiaverunt ibi in summa perisse XXIV ex militibus et civibus, XV saltem sauciatos esse, totidem aedificia diruta.

 

Scripsit Lydia Ariminensis - 11/05/2023 12h59

---

DE RE INDICA
AFRICUM EFFUGIUM
NUNTII UCRAINI
COMITIA TURCICA
NOVA RUSSICA
DE BIELOGRODA
RUSSICORUM EFFUGIUM
INUNDATIO ROMANDIOLA
TEMPESTAS ORIENTALIS
DE DIURNARIIS IN UCRAINA