LIBRI

Lingua latina ad prosperandum in vita (II)

 

 

 

 

Luca Desiata (Lucas Cupidus) doctor machinarius, administrator societatum, sed etiam cultor linguae Latinae lepidum libellum scripsit qui demonstrat Romanorum sermonem hodierna aetate superesse, immo novam vitam et studium per retia socialia invenisse. Usus sententiarum Latinarum excitat curiositatem, signum decoris est, sed praecipue index ingenii, cum non sine magno labore et capacitate logica liceat linguam maiorum interpretari. Ut aliquid necopinatum adscribam, ab anno MMXII Consilium Universitarium Studiorum Latinorum (CUSL) et Administrationes Scholasticae aliquot regionum inter se convenerunt experiri testificationes linguae Latinae exemplo linguae Anglicae vel aliarum. Nam, ut videtur, in curriculis vitae Latine scire sollertiae ingenii indicium existimatur. Ut idem faciam de Missa Latina in libello exscripta, mihi placet adicere Missam archaicam auctoris et cantoris Francisci Battiato, quae nuper Ravennae et Arimini praebita est, anno MCMXCIII composita. Quae exempla supra relata testimonia sunt de vi vitali linguae Latinae.

Ut ad rem redeam opinor linguam Latinam in variis ambitibus utile esse ad prosperandum, dummodo qui Latine loquitur hoc faciat scienter et paulum eruditus sit. Denique extremum capitulum de re amatoria curiositatem movet cum in curriculo studiorum lycaei verba obscena vitentur, sed apud antiquos scriptores, praesertim Catullum, Martialem, magna libertate turpia in usu sunt.

Scripsit Lydia Ariminensis

---

DE LATINARVM LITTERARVM VNIVERSALI AC PERENNI PATRIMONIO
De similitudine medii aevi
Lingua latina ad prosperandum in vita