NUNTII TELEVISIFICI EPHEMERIDIS

Olim Nuntii Finnici

Nuntii Latini Finnici quos vobis recitat Virpi Pitkaranta

Greta Thunberg, activista Sueta, Londinii deprehensa est inter reclamationem, qua sociis gregis "Palestine Action" inedia voluntaria laborantibus subsidium ferebatur. Ille grex, cuius signum Greta portabat, in Britannia pro ordine terroristico habetur.

Praesidens Donald Trump iterum dixit se velle, ut Groenlandia pars Civitatum Americae Unitarum fieret. Negavit se opes mineralium eius appetere, sed autumavit illud consilium eo spectare, ut securitas nationalis corroboraretur.

Mensa natalicia in Finnia paulatim mutatur ac quidem ita, ut favor pernae suillae et piscis lixivio macerati deminuatur et iusus gallopavi amplius pateat
Hoc ferculum praesertim incolis in litore habitantibus sapere videtur.

Periculum est, ne Dies natalis Christi ln Finnia aut nivibus fere carens aut omnino niger remaneat. hoc imprimis ad regiones terrae mediae et meridianae valet, cum Lapponia nive candido gaudeat..

Iaponienses, Sinenses aliique populi Asiatici ira incensi sunt propter imaginem a duobus legatis parlamentaribus Finlandensibus divulgatam, ubi illi oculos in obliquum distorquent.  Talis gestus enim pro actione razistica 

Finis Nuntiorum Finnicorum. Vobis gratias agimus, et valedicimus.

 

---

NUNTII EPHEMERIDIS 07/05/2026
NUNTII EPHEMERIDIS 23/04/2026
NUNTII EPHEMERIDIS 16/04/2026
NUNTII EPHEMERIDIS 10/04/2026
NUNTII EPHEMERIDIS 17/03/2026
NUNTII FINNICI 19/01/2026
NUNTII FINNICI 05/01/2026
NUNTII FINNICI 01-01-2026
NUNTII FINNICI 28/12/2025
Nuntii Finnici 25/12/2025