POESIS

CARMINA LYDIAE ARIMINENSIS

DE INSECTIS AESTIVIS

Aestu impulsa sitique ardenti perfricat alas
ecce cicada canit vocem iterum repetens

non longe a tectis de ramo pulverulento
vix permansit agris una superstes adest

corruptis viro diffuso ad culta fovenda,
insectis variis bestiolis lepidis

damnis tot latis nec nunc gryllus canit ullus
nec salit in viridi gramine nec volitat

iamque evanuerit deserti ruris ab hortis
nunc latet exoptans prata remota viris;

pallidae in areolis rarae urbis papiliones
lenes e foliis floris in alterum eunt

prorsus decessit locusta vorax viridisque
sedula perraro mella recondit apis.

Myrmedonis adhuc* fert ac perstat genus acre
terrigenum prudens quod modo abit modo adit:

nam serpit formicae agmen taetros in hiatus
vel scandit truncos in serie celeri

munere quaerens vel tollens fruges hiemales
exstructis tumulis hic ubicumque aderit.

Acriter ore culex heu! bombilat undique mordax .


*myrmēdon (formicarum nidus) vox a lingua Graeca conversa: vide carmen Latinum poetae Iohannis Pascoli Myrmedon.

---

NATURA,PAX ET IUS
PREX
GAVIAE
(cum versione Italica)
Hora matutina
De virocoronario
NATALIS
FINIS AESTATIS
SUBVERTITUR TELLUS

AURORA
INFINITUM
AESTUS
TEMPUS AUTUMNI
A clivis non longe a mari Hadriatico
FLUXA DIES

HERIMANNUM NOS RELIQUISSE

DE MISERA UXORE
ITALIA
DE INSTANTIBUS HOMINIBUS CURIS
SURREXIT
Tria cantica Natalicia
De discipulorum reditu ab otio aestivo
AURA VESPERALIS

De die Pentecostali
Boves (Bu)
Johannes Pascoli
DIES AUTUMNALIS
De mense Maio
DE ANIMI TEMPORIBUS
... ut per vastum fulmina ...
ARIMINUM