POESIS

CARMINA GUSTAVI TAVARES

VRBANA INDOLES
(carmen metro sapphico scriptum)


Urbicā nullus gravor in coronā
magna clamantum neque me fatigat,
bucinā passim reboante, praepes
impete currus.
Intimo ruris studio colendi
cum feror, cedunt animo tumultus
meque securum bene rusticari
versat imago.
Qua susurrantis per opaca rivi
desilit murmur, vagabunda ludit
aura, et argutae sonitu volucris
obstrepit arbos.
Exigo postquam grave luce munus,
nocte me fotum gremio puellae
mollis irreptat sopor: haec imago
mente recursat.
Urbe sed versor: mea sunt in urbe
commodis mixtis aliena vitae.
Urbe qui natus, nisi in urbe vitam
degere possum.

---

SOMNO SOLVTVS
In Vergilium Bucolicum
Epigramma
Inter sacrum et saxum - Epyllion: Prooemium et Invocatio ad Musam
DE NAVANDIS STVDIIS ELEGIA
Marmora Maeonii uincent monumenta libelli:
uiuitur ingenio, cetera mortis erunt.
[Append. Verg. Maecenas vv. 37-38, ed. Ellis]