POESIS

Daedalus et Icarus


Lumina perennia, iaculantia ex undis, in saxa
irrepunt veterumque viridem olivarum in comam.
Stellae a diis pinguntur Fatique itinera.
Subita musica templis extollitur,
in hominem singulares metus infundit,
in artem spiritum mirabilem insufflat.
Se tandem in columnis abdit Daedalus,
divinam Iunonis maiestatem admiratur
Herculisque magnitudinem feritatemque.
Radiis solis Icari vestigia Fatum solvit,
totam auream per arenam ea fundit.
Ut in cuna agili, ita somnia moventur,
divinum per spatium voces Naturae feracis fatentur.
Illico ventus concidit, malacia feliciter advenit.
Hic, illic, sacra inter templa nubes solvuntur et
frugiferos intra ramos non minus diluuntur.


scripsit Johannes Teresi

---