OPINIONES

DE BELLO ISRAELIANO IN GAZAE LITUS

Auctor: Ecrusized

In saevis proeliis perseveratur

Israel belli initium fecit ante fere biennium post incursum terroristicum gregis Hamas, ob quem MCC perierunt et prope CCXV rapti sunt. Abhinc tempore exercitus Israelianus summos duces gregis et eius apparatus exstinxit, sexaginta milia Palaestinorum, quorum magna pars civiles, interierunt. Ex nuntiis Gazae prope XIX milia puerorum a viribus Israelis necati sunt.

Nuper Minister Primarius Netanyahu monuit incolas Oppidi Gazae, cum  everti coeptum esset, ut egrederentur: iam in caeliscalpia pyroboli coniecti sunt sed non satis est: aliae actiones bellicae nuntiantur.

Ante biduum duces gregis Hamas declaraverunt se condiciones accipere pro pace mansura simulque in urbe Hierusalem milia reclamantium petiverunt ut indutiae fierent et obsides liberarentur.  

Tamen res in peius mutata est: hodie in ipsa urbe Hierusalem petitio terroristica contra laophorum facta est, ex qua sex Israeliani perierunt, nonnulli sauciati sunt, duo territores comprehensi. Grex Hamas exsultat triumphans et  de vita obsidum superstitum Israelis timetur.

 

Scripsit Lydia Ariminensis - 08/09/2025 21h12

---

INFRASTRUCTURAM UCRAINIAE A RUSSIS ESSE DEBILITATAM.
De Uno Philosofice et Scientifice disserendo
MMXX, omnes conveniunt: nonne bisextus annus funestus est?
DE NECESSITATE LINGUAE LATINAE SERVANDAE
CONTRA ACTVM BARBARICVM