NUNTII

         DE GROENLANDIA

Auctor: Patano

Praeses Trump eam occupare vult

Ante biduum Praeses Donaldus Trump in oppido Helvetiae  Davos  Concilio Oeconomico Totius Orbis interfuit.; hic  coram multitudine  primorum minus minax locutus est quam prius:  se nolle vi uti ad Groenlandiam Civitatibus Unitis iungendam, sed quomodo?  Re vera sermo benignus  repugnare aliis verbis videtur:”Si Europaei recusaverint, nos hoc meminerimus”.

Serius Praeses Trump per rete sociale “Verum” declaravit se convenisse Secretarium Communem Societatis Atlanticae Marcum Rutte ut de proximo foedere  tractarent de insula quae  ad Daniam adtinet  nec nova vectigalia impositum iri. Nam ante diem tertium  minatus erat  sese staturum vectigalia graviora  octo nationibus  quae copias  in Groenlandiam miserant. Confecto itinere nuntiavit foedus de Groenlandia mirandum fore Civitatibus Unitis, sed  incertum esse quonam modo hoc fieri posset.

Nihil mirum si saepius Praeses Trump sententias commutat: res politica illius  est  quasi spectaculum, quod  tamen gravia consilia subtegit.

 

Scripsit Lydia Ariminensis - 23/01/2026 15h54

---

RES CAELESTIS
LEX NOVA HIEROSOLYMITANA
BELLUM ET INDUTIAE IN ORIENTE PROPINQUO
ORMUZ, CENTRUM MUNDI?
NOVUS AYATOLLAH CREATUS EST
NOVUM BELLUM
MOHAMMADI ITERUM CONDEMNATA
PERSIA POPULI MOTU INFLAMMATUR
DE VENETIOLA
Brigitte Bardot mortua est annos nata XCI