NUNTII

PERSIA POPULI MOTU INFLAMMATUR

PersianDutchNetwork

Vehemens reclamatio contra regimen Islamicum

A duabus hebdomadis multa milia hominum et feminarum  in foris et viis capitis Teheran  vehementer reclamant ira exardescentes contra regimen Islamicum cuius  maxima auctoritas religiosa et summus rector est  Ali Khamenei. Vilitas et  inflatio nummorum simulque  auctus pretii rerum necessariorum motus causa sunt.  

Exterriti regiminis fautores interrete intermiserunt ne totus orbis cognosceret quid in Irania accideret; magis magisque auctoritates tumultuantibus frustra poenam capitalem  minantur.  Biocolytae autem contra multitudinem displodunt et  fere CC necaverunt, plures  quam duo milia comprehensi sunt. Per media socialia  imagines feminarum vulgantur quae fistulas nicotianas accendunt ustis schedulis cum imagine rectoris Khameini, quae res, praeter contemptum, interdicto obstat tabaci fumum hauriendi.

Praeses Trump, ut ait, paratus est ad auxilium ferendum reclamantibus pro libertate et monuit duces ne vis illis fieret.  

  

Scripsit Lydia Ariminensis - 10/01/2026 21h38

---

RES CAELESTIS
LEX NOVA HIEROSOLYMITANA
BELLUM ET INDUTIAE IN ORIENTE PROPINQUO
ORMUZ, CENTRUM MUNDI?
NOVUS AYATOLLAH CREATUS EST
NOVUM BELLUM
MOHAMMADI ITERUM CONDEMNATA
DE GROENLANDIA
DE VENETIOLA
Brigitte Bardot mortua est annos nata XCI