NUNTII

DE VENETIOLA

Inpetus nocturnus a Civitatibus Coniunctis

Noctu petitio maior Civitatum Coniuctarum consulis iussu in Caracas caput Venetiolanum peracta est. Nam aeronaves missilia in scopos ad rem militarem pertinentes crebro iniecerunt, ne Venetiolanorum milites quodam modo respondere possent utque exercitus ferme debellaretur.

Interea Nicolaus Maduro dictator Venetiolanus, a Civitatum Coniunctarum exploratoribus una cum muliere sua captus, Novum Eboracum posthac defertur, quo de «narcoterrorismo» anquiratur. Donaldus Trump praeses cum Dulci Rodríguez propraeside Venetiolana negotiationes confestim incipit, ut tam de novo consule creando, qui Civitates Coniunctas Americae adiuvet, quam de Venetiolano petroleo «curando atque adhibendo» pangatur; Donaldus Trump ministrique eius Venetiolanorum rem publicam interim tenebunt.

Scripsit Andreas Novocomensis - 03/01/2026 22h38

---

RES CAELESTIS
LEX NOVA HIEROSOLYMITANA
BELLUM ET INDUTIAE IN ORIENTE PROPINQUO
ORMUZ, CENTRUM MUNDI?
NOVUS AYATOLLAH CREATUS EST
NOVUM BELLUM
MOHAMMADI ITERUM CONDEMNATA
DE GROENLANDIA
PERSIA POPULI MOTU INFLAMMATUR
Brigitte Bardot mortua est annos nata XCI