Saturni die 24 mensis Februarii 2024

NUNTII

DISCIPULAE VENENATAE

Scelus in scholis Persicis

A praeterito mense Novembri DCL discipulae  in nosocomium  sunt translatae  postquam gasium venenatum hauserant.  Ex nuntio per retia socialia vulgato, nuper una in urbe Qom interiit; plurimas earum  difficultates spiritus, nausea, animi perturbatio, languor tetigerunt.  Hiusmodi casus  effecti sunt  in capite Teheran, sed etiam in aliis urbibus, quasi res communis eveniret. Omnes scholae  veneficium passae  clausae sunt dum parentes vehementer reclamant. Multi opinionis publicae relatores infandum regiminis suspicati sunt, quod autem affirmavit vicaria admistri sanitati praepositi: quendam velle omnes scholas concludere, praesertim puellarum. Magis magisque vox populi vulgatur, veneficiis auctoritates ultas esse feminas pro reclamationibus quae secutae sunt post obitum puellae Mahsa Amini. Ut inter omnes constat ea obiit  captiva, cum in custodiam data esset ob caput non recte velatum. Sunt autem qui putent dominatum Persarum  moveri eodem proposito Afghanorum, id est  feminas coercere  institutione orbatas. 

Scripsit Lydia Ariminensis - 02/03/2023 10h36


CONSILIUM ISRAEL
DANORUM CONSILIUM
DE REBUS BELLI ISRAELIS
DE NOVO DUCE
DUCIS SINENSIS LOCUTRIX PRAESIDEM PHILIPPINUM MONUIT UT PLURA DE TAIVANIA LEGERET
MISSILIA BOREOAMERICANA
VICTORIA ITALICA
DE INDUTIIS ISRAELIANIS
IANITORIS CONSILIUM
DE COMITIIS TAIWANENSIBUS