Logistorica

PAGINA IONATHAE STANISLAI GNOSIS
in uniuersitate Yalensi philosophiae doctor factus, stirpe Polonica ortus, ciuitatis Connecticutensis incola, linguae Latinae et Graecae fautor, Sancti Thomae Aquinatis discipulus.
https://www.latinusblogus.org/

de praeceptoribus saeculorum ix x in Europae partibus septentrionalibus

Rabanus Magnentius Maurus beatus (c.780-856) Alcuini disipulus erat. in schola Fuldensi docebat. aetatis suae eruditissimus fortasse erat. in docendo plerumque mores traditos sequebatur.

 

Lupus Seruatus (c. 805-862) Rabani discipulus et abbas Ferrariensis erat. praecipue studebat ut litterarum Latinarum textus meliores haberet. epistolas et alia opera exempli gratia de praedestinatione scripsit. 

 

Ericus Autissiodorensis qui Rabani et Lupi discipulus fuerat in urbe eponyma scholam condidit. etiam de Aristotelis et Boethii operibus scripsit. 

 

Remigius Autissiodorensis (d. 908) Erici discipulus Durocortori docebat et, quod Ioannes Eduinus Sandius refert, primus Lutetiae scholam condidit. de Donato et Martiano Capella scripsit. 

 

a Remigio sanctus Odo abbas Cluniacensis secundus (878 uel 879-942) Lutetiae artes liberales didicit. Cluniaci docebat. sancti Geraldi uitam et collationes et poema epicum scripsit. eius uitam autem scripsit eius discipulus Ioannes. eius uita etiam in Patrologiae Latinae libro XCCCIII cum eius operibus refertur.

 

Remigio cooperabatur Hugbaldus (840-930 uel 932) monachus qui in monasterio sancti Bertini docebat.  

 

in schola autem Durocortorensi etiam docebat Gerbertus Aureliacensis (c. 950-1003) postea summus pontifex nomine Siluester II qui scribendorum numerorum modum Indicum uel Arabicum suadebat.

Scripsit Ionathas Gnosis

---